بقلم: لطيف شاكر
هل مصر لقيطه ملهاش دية؟!
عريانة
وفي الشارع مرمية
مر عليها الإخوان والسلفية
خطفوها
عروها من المصرية
ولبسوها باكستانية
بجلابية
وطاقية
وذبيبة فوق جبهه ظلامية
هو ده الإيمان
ولا شكل إنسان
وسبحة في إيده للمظهرية
وتكشيرة
وتشخيطة
متمرمغين في عصر الجاهلية
وسلفية وهابية
وإخوانية رجعية
ومفيش فرق كلها طائفية وعنصرية
شبشب
وذقن
ومسواك علي الجيب هدية
نعم للتكفير
ولا للتفكير
وراحوا شتيمة على الفضائية
حمقاء
جهلاء
بتاريخ مصر وأمجاد الفرعونية
حجبوا التماثيل
خمروا الملكات
ياناس ياهو مصر خطفوها السلفية
إلغوا العقول
والسيف مسلول
ودنسوا الدين بفتاوي شيطانية
ولا للمصرية
ولا للفرعونية
عربية سعودية وكمان باكستانية
واللي مش عجبوا من الإسلامية يمشي من البد ديه
حيخلوها يمنية
أو صومالية
المهم تكون مصرستان دينية
واللي مش عجبوا يمشي من البلد ديه
وعلي مصر السلام ياأفندية

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :