وبنحبك يامصر

دول المصريين ..اللي بيستنوا الفرحة علشان يهتفوا بأعلى الصوت "بنحبك يامصر"

 

دول المصريبن اللي بيقطعوا السفر مشاوير علشان يتجمعوا سوا ويقسموا رغيف الفوز في ماتش أو ميدالية ذهبية أو وسام على صدر رمز مصري كبير و "بنحبك يامصر "

 

دول اللي بيملوا مدرجات الاستاد وساحات المقاهي والكنايس والنوادي بكل حماس عشان يهتفوا بأحلي أجوال واغلى نصر "وبنحبك يامصر "

 

دول البسطاء والطيبين والراضيين والطموحين 

والمكافحين وللي بينحتوا ف الصخر ...اللي ماببخونوش ولا بيتباعوا بشوية فلوس ..

 

دول دمهم غالي وحلمهم غالي ووطنهم غالي.. السهرانين على الحدود واللي ف عز الألم بيغمسوا الألم بنكتة وشوية طبطبة وموال وبكرا تفرج ..

دول المصريين البني آدمين واللي لسه بيحلموا بأوكسچين الوطن ..واللي واثقين أن مصر للشرفا الغيورين ..

 

دول اللي نزلوا من بعد ثورة يكنسوا الشوارع وينضفوا الميادين ويدهنوا الأرصفة ويزرعوا الشجر وينظموا المرور بوازع الغيرة على بلدهم "بنحبك يامصر "

دول اللي راحوا يساعدوا كبار السن والاطفال وأمنوا البيوت 

وعملوا أغاني تفرحهم وخافو على بعض وعلى كل ست وبنت في الطريق..

 

أمال مين اللي بنسب ونلعن فيهم دول وبنقول عليهم الحثالة والهمج وأحط البشر ..! ببساطة دول حرامية الوطن اللي هم فعلا كدا حثالة وهمج ومنحطبن .. اللي من جوة تعابين ومخربين وفاشلين وهتاكين ومن بره بيلمعوا ويقولوا أنهم زينا مصريين ..

 

مصر مابتلمش ..مصر للمصريين اللي بيفتخروا أنهم 

 

أحفاد إيزيس وأخناتون ..أبناء النيل والشمس والموسيقا والزرع والكرم والضحكة واللي مش طمعانين في غير أنها تنضف من الحرامية وبس ..

وبنحبك ياأرض الحضارة والفخامة والعظمة والعلمانية والسحر والجمال." بنحبك يامصر ..

علمانية رغم أنف ..