بقلم:  مهندس عزمي إبراهيم

الديـن لوَحـْدُه مش مقياس
مش مقياس لإيمان الناس
الدين بيعلـِّم الأخلاق، والأخلاق هيـَّا المقياس
***
ياما ناس هايجة بإسـم الدين
بلســـــانـهم
وبالسكاكين
بيقطعوا لحوم الناس
***
اعمل أزهر وابني جوامع وابني كنايس وكاتدرائية
لو مش بيعلـِّموا النـاس أخـلاق
ولا بيعَلــِّموا إنسـانيـة
قبل صيـام وقبل صــلاه
ما يبقاش فيها مكان للــه
***
ابقى مسيحي.. وابقى مسـلِم
واتعمَّـق في الديــن واتعلــِّم
وادخل في الأديان في سباق
واللي مافيـش عنـده أخـلاق
يبـقى دينــه نفـــاق وريـــاء
***
مَثــَل.. النـاس الحُكـَما قالـوه
عمـري ما يــوم أبــداً أنسـاه
اللي مالوش خيـر في أخــوه
إزاي حيكون له خير في الله

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :