كتب - محرر الأقباط متحدون ن.ي
علق محمد عمر، صديق الشهيد عمر القاضي، قائد كمين البطل 14، على واقعة الهجوم على الكمين، مؤكدا أنهم مستمرون في حماية البلاد.
وقال "عمر"، عبر حسابه على موقع التوصال الاجتماعي "فيسبوك": يا جدعان حاجه اخيره ،الناس اللي مكلماني تعزيني ، أنا مش زعلان ،اخويا شهيد يا بخته والله،محدش يزعل أو يتنكد عيدوا وانبسطوا بجد ، عمر مات وفيه ضباط وعساكر بتجهز دلوقتي عشان تستلم الكمين مكانه ، ولو ماتوا،هيستلمه غيرهم وغيرهم ،وممكن اخوك او ابنك في يوم يقف مكان عمر".
وأضاف: "وأنا المأموريه الجايه في سينا ، وسلاحنا كتير وعساكرنا ورجالتنا أكتر ،وورانا شعب مؤمن بينا .. الخلاصه ان احنا مش هنخلص ومش هننكسر والشعب المصري هيفضل مسنود بينا زي ما احنا مسنودين بيه.. بس لو في يوم شوفت صورتهم قول شكرا ياللي ضحيتوا عشانا".
وتصدت قوات الأمن لهجوم أستهدف كمين أمنى غرب العريش فجر اليوم الأربعاء الموافق 5-6-2019 مما أسفر عن استشهاد ضابط وأمين شرطة و6 مجندين خلال الهجوم الإرهابي، ومقتل 5 من العناصر الإرهابية.
