كتبت – أماني موسى
قالت الفنانة صابرين لو باروكتي هتثير الفتنة والعقول إذًا أنا أملك باروكة قوية جدًا.
وأضافت ردًا على الإعلامية بسمة وهبة وخلع الحجاب وارتداء الباروكة بناءً على فتوى حصلت عليها من أحد المشايخ، لا أظن أن الناس تفكر بهذا الشكل، واللجان الإلكترونية تحاول اضطهاد صابرين.
وتابعت اللجان الإلكترونية تردد وتنشر نفس النقد بنفس العبارات، والناس مش عاجبها حاجة خالص، حتى لما طلعت أقول أني محتشمة قالوا لي متقوليش كدة.
وقاطعتها وهبة بسؤال: الناس متحيرة أنتِ محجبة ولا مش محجبة؟ وأجابتها صابرين بانفعال: خليني محيرة أو مش محيرة، أنتِ عايزة مني إيه؟ أنتِ ناوية على إيه؟ يا ستي أنا لابسة اللي لابساه أنتِ مالك؟ أنتِ مالكيش دعوة أنا بلبس إيه وبعمل إيه وباكل إيه وبشرب إيه؟
وتابعت، دلوقتي الفتاوى بقت "استرتش" والدنيا كلها عمالة تقول أن الحجاب مش فرض، وأنا بعلنها أنا مش محجبة أنا عاملة لوك وستايل –على حد قولها-.
وشددت أنا مجنونة أنا بحب كدة، بحب شكلي في التصوير باختلاف الظهور بشعر وباروكة وبدون.
وسألتها وهبة: يعني أنتي مش محجبة إذًا اخلعي الحجاب، فأجابتها ممكن أخلعه بس عشان أنا مش عاملة شعري، لو عاملاه كنت هوريكي شعري كدة وشعري كدة.
