سامح جميل
بمناسبة ضرب إسرائيل لسوريا .. وبمناسبة "نكون أو لا نكون":
في سنة 77 تقريبا بعد زيارة السادات لاسرائيل .. طائرة إسرائيلية اخترقت الحدود السورية فهاجت الدنيا وماجت .. والسادات خطب وأنهى خطبته وقال: "نكون أو لا نكون" .. تاني يوم الصبح طلعت جريدة الأهرام وفيها كاريكاتير "صلاح جاهين" رسم فيه "المعلم درش" وهو رافع دراعه وبيقول تعليقا على كلام السادات: "لا .. نكونَ ياريس".. كان يوسف السباعي رئيس مجلس إدارة الأهرام فاتصل بيه السادات وقاله: "أطرد صلاح جاهين ابن ال.... من الجورنال ومايرجعش إلا بأمر مني" .. يوسف السباعي حب يزايد على السادات وقالله: إذا كان صلاح جاهين غلط موش كفاية نطرده من الجرنال يا فندم .. ده لازم عقابه يبقى شديد .. هو عمل إيه يا فندم؟" السادات صرخ في التليفون وقال: "أنا أقول نكون أو لا نكون يقوم ابن ال... يعلق على كلامي ويرسم راجل الشارع وهو بيقول لا .. ناكونا ياريس".. طبعا صلاح جاهين كتب "نكون" لكن السادات والناس كلهم قروها "ناكونا"
(الله يرحمك يا عم صلاح يابو بهاء يا عم الكل .. وتاج راسنا....!!
