نورا فريد
ليه يا بشر قلوبكم بقت قاسيه
ولأقرب الناس ليكم بقت ناسيه
والقسوة ملياها وبالكره والبغض كاسيه
ليه قلوبنا كلنا بقت حجر وكأننا مش من صنف البشر
لو قدامنا مريض أو حتي شخص اتكسر
لو شايفين حريق أو حد م البكا انفطر
معدش فينا الشهامه بتاعه زمان
والرجوله بقت عمله نادره ف كل مكان
كل واحد بيقول انا ومن بعدى الطوفان
حتي الطفل الصغير مش لاقى اي حنان
ليه كل واحد بقي همه جمع المال
من اي حته سواء حلال أو مش حلال
واي حاجه غلط سهله والشيطان شغال
الضمير تاه واختفي من الوجود
ولفظ حرام وحلال معدش موجود
حياتي وحياتك شئ مش بأيدينا
والموت دا أكبر حقيقه حوالينا
مفيش حد مات وخد حاجه معاه
طب ليه ميفكرش انه قرب منتهاه
