كتب - نعيم يوسف
علق قداسة البابا تواضروس الثاني، بابا الإسكندرية بطريرك الكرازة المرقسية، على الاستفتاء على التعديلات الدستورية.
وقال البابا أثناء لقائه مع شباب محافظة الإسكندرية: "داخلين على تعديلات دستورية واستفتاء.. كويس.. ده حق المواطنة.. المشاركة في الاستفتاء حق من حقوق المواطنة.. شارك وقول رأيك زي ما أنت عايز .. لكن شارك.. لكن إن واحد يقعد كسلان أو يقول مفيش فايدة.. ده الإحباط بعينه".
وتابع: "أي بلد فيها دستور.. والدستور هو أبو القوانين.. مجموعة قدمت اقتراح بتعديل بعض المواد.. والدستور اللي اتعمل من 5 سنين اتعمل بسرعة.. لما يجي تعديل للأفضل قول رأيك".
وأضاف: "شوفوا بلاد جنبنا بتضيع.. أكبر نعمة هتتغنوا بيها وتسيبوها لولادكم هو الاستقرار.. انتبهوا.. وشاركوا وقولوا رأيكم زي ما أنتوا عايزين".
وألقى قداسة البابا تواضروس الثاني، بابا الإسكندرية بطريرك الكرازة المرقسية، العظة الأسبوعية، اليوم الأربعاء، أثناء اجتماع الشباب، من الكنيسة المرقسية الكبرى بالإسكندرية، حيث تأمل في الآية التي تقول: " لأَنَّ اللهَ لَمْ يُعْطِنَا رُوحَ الْفَشَلِ، بَلْ رُوحَ الْقُوَّةِ وَالْمَحَبَّةِ وَالنُّصْحِ".
