وموسي : مفيش فرق بين مسيحى ومسلم ونحن جسد واحد
كتب مايكل فارس

التقي عمرو موسي المرشح المحتمل للرئاسة ومجموعه من الطلبة المتفوقين بالمدارس الحكومية التجريبية من مدرستي "سعد زغلول التجريبية لغات بالمعصرة بحلوان ومدرسة " الشهيد أحمد حمدي التجريبيه لغات " بمصر القديمة " والتي تراوحت اعمارهم من( 4-8)سنوات ؛ أمس بمقر حملتة الانتخابية بالدقي وقد حضروا مرتدين ملابس تجسد المجتمع المصري بمختلف فئاتة فمنهم من إرتدي زي ضابط جيش وأخر زي ضابط شرطة ومنهم من مثل الأزهر وأخرمن مثل الكنيسة وأرتدت طفلة علم مصر.

ودار حوار بين الاطفال وموسي حيث سأل محمد عوض بالصف الثاني الأبتدائي "موسى " قائلا أزاى تعدى مصروالدول العربية من الوضع ده ؟
فرد موسي :انها تشتغل وتعمل بجد وصدق انما الكسل والهذل والامور دى يجب الابتعاد عنها
وسألة الطفل أسربالصف الثالث الأبتدائي :هل انت مع الشباب فى اسقاط العلم الاسرائيلي من على السفارة ؟
موسي : بص إحنا يجب إننا نقف ضد الاطماع الاسرائيلية وونرفع علم فلسطين عاليا ونساعد القضية الفلسطينية.
واستطرد أسر :هل كنت صديق مبارك ؟
فرد موسي :كنت وزير ومبارك كان رئيس وكذلك عصام شرف رئيس الوزراء الحالي كان وزيراً سابقاً مع مبارك .
وسألتة الطفلة كنزى :حضرتك لما تبقى رئيس مصر هتعمل ايه لاطفال مصر ؟
قال موسي :هنعلمهم ونربيهم ونكبرهم علشان هما هييبقوا شباب مصر المتعلم واللى هنعتمد عليهم
كنزي : طيب ايه رايك فى محاكمة مبارك ؟
موسي : فى حاجة إسمها محكمة وقاضى وهما اللى شايفنة صح هيعملوه وسوف يطبقون القانون .
 

 

وسألة جورج بالصف الأول الأبتدائي : احنا عايزين نحب بعض مسلمين ومسيحيين ونرجع زى زمان نحب بعض واحنا مش عايزين نعمل مظاهرات ومش عايزين الكنايس تتهد؟
موسي : مفيش فرق بين مسيحى ومسلم وهنعيش مع بعض فى حب ونحن نسيج واحد كالجسد الواحد .
وسألة الطفل امير: هل ترى وزارة الصحة تقوم بخطة ومتي ستكون مصر خالية من أمراض السرطان ؟
موسي : من الضرورى ان تقوم وزارة الصحة بواجبها، وتخلى مصر من الامراض وتقوم بواجبها وتبنى المستشفيا ت لمكافحة كل الأمراض .

وسألة احد الاطفال : لوبقيت رئيس هتعمل ايه؟
موسي :هعمل كتيييييييييييييييييييييييييير كل اللى أقدر عليه علشان أرجع لمصر مكانتها ودورها وهنخليها أحسن بلد فى الدنيا وهنصلح كل الخراب اللى حصل فيها.

ثم عرض الطفل أسر اعماله وهي عبارة عن لوحات فنية تجسد ثورة 25 يناير بميدان التحرير ووقع له عمرو موسى عليها.
وفي نهاية اللقاء قالت سهير حسين مدرسة رياض الأطفال لموسي " من ايام ماكنت وزير الخارجية وانت ليك معزة كبيرة من زمان لدي الشعب وحتي الأن واحنا بنتمنى من ربنا انك تكون القوة اللى هتصلح الاحوال الاقتصادية والسياسة واحنا بنهديك الايات القرانية اللى نتمنى انها تحفظك .
 

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :