كتبت: أماني موسى
أنتجت فضائية "الكرمة" المسيحيية ترنيمة فيديو كليب بعنوان "مين اللي يقدر" ويتضمن الكليب أحداث العنف الدامية ضد مسيحي مصر بدءًا من تفجير كنيسة القديسين بمطلع عام 2011 ومرورًا بإمبابة وأطفيح والماريناب وانتهاءًا بماسبيرو.
الترنيمة من كلمات وألحان المرنم ميشيل بقطر وأداء المرنمة "لورا البازي"

وتقول كلمات الترنيمة:
مين اللي يقدر يكسر حصار العتمة ويحولها نور
مين اللي يقدر يحمي السفينة في قلب نوة البحور
يحيي رميم النفس ويرجعها تاني
وسط كحيل الحزن يبعت الأغاني
إلا اللي لوحده بكلمته كن فيكون

مين اللي يقدر يوقف بارود الشر ويحل بسلام
مين اللي يقدر يسمع ولو منعوا الغلابة من الكلام
يهدي الطيور للعش لو في الليل حيارى
يحبس خطاوي الوحش في قلب المغارة
إلا اللي لوحده بكلمته كن فيكون

مين اللي قدر يزرع محبة في وسط أرض ملاها شوك
مين اللي يقدر يبدل مصير النهر وقلوب الملوك
يخلق من الآكل من الجافي حلاوة
ورسول محبة من اللي كان طبعه العدواة
إلا اللي وحده بكلمته كن فيكون

لسماع الترنيمة انقر هنــــــا

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :