إعداد وتقديم- د. حنان فهيم
قالت دكتورة سوزان نصحي، اخصائي نفسي ومشورة، إن وجودي على الأرض وجود وقتي ولمدة محددة وفى أي وقت ممكن أموت، أنا هدفي اللي بعد وجودي على الأرض، هدفي الملكوت.
وأضافت: "مش هدفي يكون عندي فلوس كتير وشغل ومنصب، ويضيع هدفي الأساسي وهو الملكوت، هدفي الأساسي هيخلي وجودي فى الحياة أن اسعي لدخول الملكوت، الهدف ده هيحدد دوري فى الحياة وأن اعرف ان كل ما افعله هيوصلني ان ادخل الملكوت".
وأكدت "لازم أكون عارف أن هدفي فى الزواج كفاح وتحدي وهتعب فيه جدا علشان في النهاية هدفي الملكوت، ولما بتجوز انا لا اتعامل مع اخر فى حياتي ولكن اتعامل مع المسيح، لو فكرنا فى الزواج بهذا المنطق هغفر واتنازل واضحي وهعمل دوري صح زي ما الكتاب المقدس بيقول".
وتابعت: هدفي أن اوصل أولادي الملكوت ولما ربنا يسألني عنهم مش هقوله ابني دكتور وابني مهندس، هقولي انتي عرفتهيم عليا صح وبطريقة سليمة هو ده اللي هيدخلني الملكوت".
وأوضحت دكتورة سوزان نصحي، خلال لقائها ببرنامج اصنع حياتك بنفسك ، المذاع على شاشة المتحدون ، يجب أن اركز على نفسي اللي هتوصلني للملكوت، اهتم بصحتي علشان اقدر اعطي غيري، واهتم بفكري علشان اقدر اتعامل مع الناس.
