"نشوى الحوفي": "الإخوان الكدب منهجهم والخداع مظلوميتهم"

نشرت الكاتبة الصحفية نشوى الحوفي، بعض التصريحات التي أدلى بها إرهابيون في محاكمات سابقة، ومنهم "خالد الإسلامبولي"، الذي اغتال الرئيس الراحل محمد أنور السادات، حيث أكد أنه تعرض للتعذيب والجلد داخل السجن.
 

يأتي ذلك تزامنًا مع ترويج الدعاية الإخوانية لفكرة تعذيب الإرهابيين الذين قاموا باغتيال النائب العام، بسيارة مفخخة، بعد إعدامهم.
 

وقالت "الحوفي"، عبر حسابها على موقع التواصل الاجتماعي "فيسبوك": "خالد الإسلامبولي في محاكمة اغتيال السادات قال بالنص "احنا تعرضنا لتعذيب بالكهرباء في أماكن حساسة، وأُطلقت علينا الكلاب البوليسية واتجلدنا واتحرمنا من الأكل والشرب عشان يخلونا نعترف إننا قتلنا السادات، مع أنهم متصورين و العالم كله بأجمعه شافهم لايف وهما بينفذوا جريمة الاغتيال".
 

وأضافت "الحوفي": "زينب الغزالي في تحقيقات النيابة قالت بالنص "أطلقوا عليا جيش من الفئران وضربوني بالكرابيج وكانوا بيرشوني بالميه بالخراطيم واغتصبوني بشكل جماعي، ولما وكيل النيابة سألها إذا كانت كل حفلات التعذيب والاغتصاب دي تركت أي آثار في جسمها.. سكتت و مردتش عليه".
 

وتابعت: "المستشار عبد المجيد محمود اشتغل في أول حياته رئيس نيابات أمن الدولة وكان بيحقق مع جماعات التكفير في السبعينيات.. كان بيقول للمساعد بتاعه لو جه ميعاد الأكل يجيب لهم معاه لأنهم كانوا بيقعدوا معاهم بالساعات و لو هايدخن يدي اللي بيستجوبه منهم سيجارة و شاي... وعلى الرغم من كدة ، كانوا أول ما يروحوا المحكمة و يقفوا قدام القاضي ينفوا كل الاتهامات اللي هما اعترفوا بيها في النيابة و يقعدوا يقولوا دول عذبونا وبهدلونا ، و يألفوا حكايات غريبة و قصص و روايات !! قاللي في أول جلسة تحقيق بعد المحكمة كنت باسألهم هو أنا عذبتكم ؟! فكانوا يجاوبوا يقولوا لأ.. يقول لهم طاب بتكذبوا ليه؟!!".
 

وأضافت: "يقولوا ده مش كذب.. ده فقه الأسر.. يعني هما أسرى عند النيابة ، وده في عرفهم مش كذب .. دي خدعة و احنا في حالة جهاد وحرب والحرب خدعة زي ما انتوا عارفين .. فمتتفاجئوش من ارهابي صغير بيقول للقاضي انا اكهربت كهربا تكفي مصر ٢٠ سنة وهو معترف صوت وصورة وفِي حضور المحامي بتاعه في قضية بتتنظر بقالها خمس سنين

 

الإخوان يا جماعة الكدب منهجهم والخداع مظلوميتهم وهما هما نفس البوقين الحمضانين اللي حافظينهم وبيقولوهم من يوم نشأتهم".