"ميدو": السعوديين كانوا بيضخوا مليار دولار في السنه جوه البلد"

كتب - محرر الأقباط متحدون ن.ي
أشاد الكابتن أحمد حسام "ميدو"، المحلل الرياضي، نجم المنتخب المصري الأسبق، بموقف المسئولين في بريطانيا، واهتمامهم بالاستثمار في بلادهم، مقابل ما يحدث في مصر، معقبا: "عندنا في مصر يحسسه اي حد انه غريب وغير مرحب بيه!!".

وكتب "ميدو"، عبر حسابه على موقع التواصل الاجتماعي "تويتر": "الأمير وزوجته راحوا مخصوص لليستر لتقديم العزاء لأسرة مالك نادي ليستر سيتي.. دي رسالة للمستثمرين الأجانب.. تعالوا استثمروا عندنا.. ماتخافوش.. احنا هنحترمكم حتى بعد ماتموتوا.. مش عندنا في مصر يحسسه اي حد انه غريب وغير مرحب بيه!!"

وأضاف المحلل الرياضي: "استغربت جدا لما الدكتور خالد عبد العزيز وزير الرياضة السابق وهو رجل اكن له كل الاحترام لما نزل تغريده صورة محمد كامل مع بيبو وكتب تحيا مصر.. كأن ده انتصار للاستثمار المصري على الاستثمار الأجنبي!! الحقيقه هو لا انتصار ولا حاجه الناس كانوا بيدفعوا كل سنه مليار ونص دولار!!"

وتابع: "الناس السعوديين كانوا بيضخوا مليار دولار في السنه جوه البلد ومشغلين لا يقل عن ٤٠٠ مواطن مصري.. من اول يوم بدأوا يحاربوهم كانوا حتى مش عايزين يدخلولهم الكاميرات من المطار!! اول ماتش في الدوري دخلوا الكاميرات بالعافية بعدخناقه كبيره جدا!!في ناس في مصر عملت فرح لما الناس قرروا يمشوا".