عبير حلمي تكتب : سئمت صمتك يا بلد

عبير حلمي
سئمت صمتك يا بلد
فين حق البنت والولد

ولادك الأبطال
رجال ..نساء ..أطفال

 بيواجهوا وحوش الأرهاب
ولا همهم أبداً  الإشتشهاد

عزل لا يملكون السلاح
سلاحهم الوحيد
الصلاه والتسبيح

الموت وسام علي الصدر ونيشان
 لبسوا الأكاليل وسكنوا مكان فسيح
وأصبح لهم جاه وسلطان 

سئمت صمتك يا بلد
دم البنت والولد
أبداً مش دم رخيص
ده دم  شريف ونفيس
دم شهيد وشهيده وقديس

أصرخ لك  .......
 
صرخة بالتنديد والأستنكار
فين دفاعك عن ولادك الأحرار
فين حق بطرس ومرقس البار

سئمت صمتك يا بلد
بصرخ لك وأقول
أنا ليا فيك مكان

حقي أعيش في سلام
حقي أكون إنسان
أنا حر في عقيدتي
أصلي مش حيوان

وإيماني ده حرية وأختيار
مش فرض عليا وبالأجبار
 
واه لو  رفضت
يبقى عقابي أموت
 بضرب النار والرصاص

حقي أعيش حر مهما كان
أصل ألهي حررني من زمان
أعطاني بموته عرش وسلطان

سئمت صمتك يا بلد
تفتكري ممكن أخاف من أرهاب
أو من ضرب النار وأعيش جبان

لا أطمني.........

أصل أنا حفيد الشهداء والقديسين
إيماني ثابت وحقيقي متين
 
لا يهتز لي ساكن وبموتي
هلبس أكليل
مرصع بالذهب وكمان بالماس
وهبقى شفيع لكل الأجناس

سئمت صمتك يا بلد
عايش في وطني
و بدمي أحمي أرضي
وبلدي لا تصون عرضي
ولا تحفظ لي أي كيان

يا بلدي حقي  عليكِ تسمعيني

مش طالب غير عيشه حلال
وسكني في آمان وسلام

وحمايه من رجال  جنود أبطال
 
لا فرق فيكِ لي دين ولا لون
الكل متساوي في الحقوق والواجبات

سئمت صمتك يا بلدي
في رقابتك حق البنت والولد
وحقهم  أمامك أتهدر وأتسلب

وصراخ دمهم  من الأرض
 
أقوي من الطبول في الميدان
 
يلا يا بلدي يلا  انتفاضه
 يلا أيقاظ لكل نائم غفلان

أصل المستهدف مش أنا
المستهدف بلد وأمه وكيان

المستهدف عرض كل شريف
 يطلق عليه بالحق إنسان
 

سئمت صمتك يا بلدي
في رقبتك حق بنتي وولدي

بطالب بالحكم بالأعدام
لكل معتدي علينا خسيس جبان

حكمك العادل
حكم بالعدل والمساواة