بقلم: ميلاد منير
آدي المنصة..
وآدي القاضي
واليوم مش عادي
أصل القصة
كلام فاضي
ناس بتقول يا حرية
بس أنا من كتر التوهان
مبقتش عارف مين الضحية
من زمان ونفسي أعرف
مين بطل المسرحية؟
المحامي.. ولا القاضي؟
ولا الجاني ولا المنصة؟!
ولا الحلوة أم عيون شقية
اللي راح شبابها
ومات في جلسة!
ما كانتش ناقصة هي
الناس اللي ماتت بلطجية!!
بس فكرة أبالسة
وذيعي واكسبي يا فضائية
والحقيقة تلف على المحاكم
أصل الاختصاصات مش هي
أو تعيش وتقدِّم ولادك قرابين
لفرعون مش قضية!
معلش عديها المرادي!!

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :