إزاي أواجه الضغوط النفسية والعصبية؟

"أنا معدتش قادر أتحمل، الأعباء بقت أكبر من قدرتى، أنا بفقد السيطرة على حياتى، أنا محتاج المساعده أنا مرهق باستمرار وعلى طول مصدع وجسمى بيوجعنى من غير سبب، أنا بقيت أتعصب على أتفه الأسباب، أنا مزاجى وحش من غير سبب".
 

كتير منا ممكن يكون بيشتكى الشكاوى دى، أو على الأقل حس كده في فترة في حياته، وسواء الشكوى كانت جوانا أو عبرنا عنها فاحنا يهمنا نعرف سبب ده عشان نقدر نوصل للحل..
 

السبب ورا كل ده واللى ممكن مانكونش واعيين بمدى قوته وتأثيره علينا هوا الضغط العصبى، كلنا بلا استثناء بنتعرض للضغط العصبى فى حياتنا اليوميه لكن مدى تأثيره علينا بيختلف من شخص للتانى وهنعرف ليه، تركيزنا هيكون على المرأة العامله باعتبارها الاكثر تعرضا للضغط والأقل تدربا على مواجهته.