اساطير نوبل بين الحقيقة والوهم وحارة الاقباط

فجأة وبدون دراسة خرج علينا بعض المخلصين بدعوة لترشيح الاقباط لجائزة نوبل للسلام ، وانتشرت الدعوة علي الفيس ، وردا علي ذلك كتبت علي حسابي علي الفيس :" 

 

"في 24 أغسطس 2013 كتبت في صحيفة الوطن مقالا بعنوان :" ارشح المصريين الاقباط لجائزة نوبل للسلام ، وبعد تواصل مع بعض الجهات المعنية بالجائزة ادركت ان الجائزة تمنح لافراد او جمعيات او هيئات ولا تمنح لشعوب او اقليات ، وبالطبع اتمني ان تمنح الجائزة لمن يعبر عن الام الاقباط سواء شخصية دينية مثل نيافة الانبا مكاريوس او مؤسسة ماسبيرو التي دفعت تضحيات وشهداء بدلا من خوض تجربة غير مضمونة مع احترامي لكل من يبذل مجهود لدعم الاقباط الان للحصول علي جوائز"

 

لكن بعض الاصدقاء لم يصدقوا والبعض الاخر هاجمني ، ولكن الباحث البارز مينا ثابت والذي يدرس الان بجامعة لندن كتب في حسابة :

 

بخصوص موضوع ترشيح الأقباط في مصر لنيل جائزة نوبل للسلام، ملاحظات هامة)

 

1 - اللى بيتقال أن اللى حصل هو ترشيح nomination، وده لا يعني أنه الأقباط فازوا بيها، وبحسب الموقع الرسمي الإعلان عن اللى فاز بجائزة نوبل للسلام لعام 2018 هيكون النهاردة 5 أكتوبر الساعة 11 بتوقيت أوسلو، النرويج. 

 

وده الموقع اللي نشر الخبر الأصلي نقلا عن Coptic Orphanage ودي منظمة تنمية أمريكية معروفة:https://www.prnewswire.com/…/coptic-christians-receive-nobe…

 

2 - في معيار eligibility للترشيح، يعني الترشيح بيكون Valid صالح يعني في حالة شخص بعينه (individuals ) أو المنظمات (organization ) يتم ترشيحها من خلال حد له حق الترشيح وهنجيله بعدين ده. إنما غريبة دي بصراحة موضوع أن شعب بحالة كده على بعضه يترشح لجائزة نوبل. لأن المسيحيين الأقباط ممكن يعتبروا أقلية (minority)، أو جماعة بشرية (Group)، لكنهم مش منظمة (Organization)، فبالتالي مش عارف منطقية الترشيح جت منين.

 

3 - الحاجة الاهم كمان هو أن في أساسي و مهم جدًا في الجائزة، أن أسماء المرشحين كل سنة لا يتم الإعلان عنها إلا بعد مرور 50 سنة على الأقل. فمش فاهم أزاي تم الإعلان عن ترشيح الأقباط (إذا صح)، كأحد المرشحين لنيل الجائزة السنادي!

 

4 - السؤال المهم برضه هو مين من حقه يقدم ترشيحات أصلا. لما زرت معهد نوبل للسلام من 4 شهور، سألنا التور جايد بتاعنا هو مين اللى بيرشح، واتقالنا أن الترشيح لازم يجي من رؤساء دول أو وزراء مثلا، ناس فازت بالجائزة قبل كدة سواء كانوا اشخاص او منظمات، أعضاء لجنة نوبل نفسها أو اساتذة جامعة التاريخ والعلوم الاجتماعية والدين والقانون، أو أعضاء محكمة العدل الدولية

 

5 - السنادي ترشح 215 شخص و 112 منظمة، بس محدش يعرف مين اللى ترشح الآن مينفعش ينكشف عن هوية المرشحين

 

على العموم الكلام ده موجود بالتفصيل على موقع الجائزة لو حد حابب يقرأ ويعرف أكتر

 

 

ولست ادري كيف يمكن لاشقائنا المحترمين الذين بينهم خبراء بارزين في القانون الدولي والعلاقات الدولية الا يعرفون ان الجائزة لاتمنح لشعوب او اقليات ؟

 

 

حبايبنا الأقباط كانوا شغالين مواعظ الآيام السابقة)

 

عن حرمة الموت وذكر محاسنهم 

 

وبعدها دخلنا على نوبل واعمل هاشتاج بأعتبار مقررى نوبل قاعدين على النت 

 

ومن اسبوع الراهب زينون وكيف مات

 

وقبلها زيارة الرئاسات الدينية وازهى العصور والأتوبيس ابو 2 يبقى 10وعصير وسندوتشات

 

وقبلها الراهب الذى اسس دير لوحده ...وقالهم مع السلامة ماحدش لى حاجة عندى 

 

وقبلها مقتل رئيس دير واتهام رهبان وقصة طويلة لم تتضح معالمها

 

وايضا غلق الكنائس وتكسير وقبض وووو

 

هو مكتوب عليكم انكم تبقوا مشغولين ومحصورين فى الزوايا الطائفية واحنا معاكم)

 

ربي لا اسألك رد القضاء بل اسألك اللطف فية