إيمان بيبرس عن القبض على سيدة "العربية": ما هي الجريمة؟ هل بقينا بوليس أخلاق؟

كتب – محرر الأقباط متحدون أ. م
قالت إيمان بيبرس، تعليقًا على خبر إلقاء القبض على سيدة تم تصويرها وهي ترتدي جيب قصيرة وتجلس على ظهر إحدى السيارات، "مهما كان مش
عاجبنا تصرف البنت اللي كانت فوق العربية، بصراحة مش فاهمة ليه يتقبض عليهم؟ ما هي الجريمة؟

وتابعت بيبرس في تدوينة عبر حسابها بالفيسبوك، ولو الفكرة السكر لازم يتقبض عليهم وهم متلبسين بالسكر، أو بقي بقينا بوليس أخلاق.

مشددة بقولها، أنا لا أري فرق بين ما فعلته وبين النقاب اللي بيخفي وراه ممكن راجل أو إرهابي، لو بتتكلموا علي السلام الاجتماعي للمجتمع، اللي طلعت فوق العربية اقل خطر من المتنكر في زي منتقبة، لأنه ممكن يكون راجل أو إرهابي أو حرامي أو ست خاينه أو ست (....) متخفين علشان ماحدش يعرفها.

واستطردت، الغريبة إن الكل بيقلب مدرس أخلاق لما الستات تتصرف حاجه مش عاجباكم، بس عادي إرهابيين يبقوا منقبين وعادي راجل بذبيبه يبقي مرتشي وعادي راجل يطّلع يبلطج علي الناس.

وأختتمت بقولها، التوازن حلو بس في كل حاجة، التوازن لازم يبقي في كل حاجة، مش مهم خالص توافقوا علي كلامي، بس المهم الاختلاف يبقي باحترام وذوق ومهنية.