بعد مقتل شاب لرفضه التحرش بشقيقته الحامل.. أديب: إزاي بقى التحرش عندنا دون أي رادع؟

كتبت – أماني موسى
أعرب الإعلامي عمرو أديب عن أسفه وحزنه لواقعة مقتل شاب بعد رفضه التحرش بشقيقته الحامل، متساءلاً: نفسي أعرف يا جماعة هو إحنا جرالنا إيه؟ فين نخوة المصريين حصل لنا إيه؟ ولما واحد يبقى عنده نخوة نلاقي الناس تقتله!

وتابع، هو الناس في البلد دي عندهم عقد نفسية وحرمان؟ موضحًا لا أقصد الحرمان المادي بل الحرمان النفسي، وأننا كل يوم نرى توحش زيادة عن اليوم الذي قبله.

وأضاف، الشاب قُتل وهو يدافع عن شقيقته الحامل، شوفوا الكفر؟ دي حامل يا جماعة، وقام المتهمين بضربه بعصا حديد على رأسه فتهشمت ومات، وتمت إحالتهم للنيابة العامة.

وتساءل أديب، هو إيه اللي حصل؟ إزاي بقى عندنا موضوع التحرش دة دون أي رادع؟