صحفي يكشف واقعة ظلم جديدة لـ"يسري فودة"

كتب - محرر الأقباط متحدون ن.ي
كشف الصحفيين أحد العاملين بقناة النهار الفضائية، عن واقعة حدثت بينه وبين الإعلامي يسري فودة، موضحا أن ما يحدث مع الإعلامي في الفترة الأخيرة استجابة لـ"دعوة المظلوم".

وقال "محمد سعيد"، عبر حسابه على موقع التواصل الاجتماعي "فيسبوك": "يسري فودة كان خبطلي عربيتي جوه مدينة الإنتاج الإعلامي من حوالي ٤ سنين وقت ما كان في (أون تي في) وكل المدينة سمعت عن الحادثة دي وقتها،، ولما روحت أعمل محضر في قسم الشرطة عمل تليفوناته والمحضر إتحط في الدرج طبعاً".

وتابع: "فكلمني وقتها على الموبايل وقالي خلاص بقا بلاش موضوع المحضر ده وشوف العربية هتتصلح بكام وهدفعلك التكلفة ، العربية إتصلحت بعد حوالي شهرين في التوكيل روحتله قدام قناته بالفواتير واللي كانت تقريباً (٦٠٠٠ جنيه) واللي أكيد بالنسباله مش رقم كبير،، فقالي لا ملكش حاجة عندي واخبط راسك في الحيط وسابني واقف بكلمه وركب عربيته وجري !!".

وأضاف: "اللي عايز يربط بين الموقف ده وبين موضوع التحرش اللي كان نتيجته فصل (فودة) من (دويتشه فيله) يربط براحته ويحلل شخصيته براحته بردو.. بس انا بحكي الموقف ده في التوقيت ده مش شماته ولا تشفي بس علشان اثبت لنفسي واثبتلكم إن " دعوة المظلوم مستجابة ولو بعد حين " لان وقتها ناس كتير قالتلي هتسيب حقك وهتسكت فكان ردي "حسبي الله ونعم الوكيل " وقد كان".

الجدير بالذكر أن أنباء تواردت عن فصل الإعلامي يسري فودة من قناة "دويتشة فيلة" الألمانية، بسبب تحرشه بإحدى العاملات في القناة.