الدكتور يونس مخيون رئيس حزب النور ..

نعلم جميعا ان ممنوع اقامه احزاب على اساس دينى .. وعشان الحزب ميكونش مبنى على اساس دينى .. جبتوا اقباط مصريين دخلتوهم الحزب .. واصبح الحزب حزب سياسى ملهوش دعوه بالدين .. رغم ان دعواتكم ف الحزب ( هى بنا نبنى الدنيا بالدين ) طب انهى دين ؟؟ مش قولنا بلاش ندخل الدين ف النجاسه ؟؟ قصدى السياسه .. لما يحصل مرات ومرات اعتداء من السلفيين على اخواتنا ف المنيا .. على مسمع ومرأى من الحزب ..والحزب لا يعلق ويتخرس زى كل مره .ولا يدين ولا يشجب ولا يستنكر ... رغم علمنا ان زعماء السلفيه وقادتهم كلهم اعضاء بالحزب

ولا تتوجه لجنه من الحزب الى المنيا . يبقى اصلا وجود الحزب غير شرعى .. وقائم على اساس دينى ( متشدد) ملهاش توصيف تانى ..

المناورات الى بتتعمل من السلفيين من وقت للتانى كجس نبض لهيبة الدوله فاشله .. وانتوا عارفين انها فاشله .. وان اللى هيتعرض لاخواتنا مصيره السجن زى الكلب ..

لا الاسلام قال ااذى جارك .. ولا لااسلام وصانا بكراهيه الاخر .. ولا فىيه حاجه اسمها سلفى اصلا فى الاسلام .. كل الناس سلفيين .. حتى البوذى سلفى .. لانه يتبع من قبله فيبقى سلفى .. هتقولى لا سلفى يعنى يتبع الصحابه ؟؟ هقولك هات لى حد من الصحابه كان بيؤذى اللى على غير دينه .. عمرو بن العاص لما دخل مصر لم يهد كنيسه ..ولم يؤذ مسيحيا .. ولما الصحابه هربوا بدينهم من مكه .. راحووا لملك مسيحى سمه النجاشى ليجدوا عنده الامان .. فكيف لمسيحى داخل بلده لا يجد الامان فى صلاته وحياته ؟؟ لن تكون هناك فتنه بين مسلم ومسيحى مهما حاول السلفيون .. ان اسأتم .. اسأتم لانفسكم .. فأن اصلحتم فلها .. ربنا الى انت بتعبده قالك : وماعليك هداهم .. وربنا قالك فذكر فانما انت مذكر لست عليهم بمصيطر .. وربنا قالك انك لا تهدى من احببت .. وربنا قالك: لكم دينكم ولى دين.. وربنا قالك ولو شاء ربكم لجعلكم امة واحده .. وربنا قالك : اقربهم موده لللذين امنوا الذين قالوا انا نصارى فأن منهم قسيسين ورهبانا .. ربنا قال الحمد لله رب العالمين .. مقالش الحمد لله رب المسلمين

كل دى اوامر من ربك .. ومش بتسمع كلامه .. يبقى انت لا مسلم ولا يحزنون .. انت كافر بما انزل الله ..

السيد رئيس حزب النور .. ماهو دورك ف الحياه السياسيه والدينيه ؟؟؟؟
السيد شيخ الازهر .. طول ما كتب الوهابيه ف الاسواق .. فالفتنه قااااائمه
السيده ايناس عبد الدايم وزيره الثقافه .. طول ما كتب سيد قطب والمقبور حسن البنا ف الاسواق مصرف خطرررررررر
السيد مدير امن المنيا .. لايوجد ما يسمى بالجلسات العرفيه .. القانون يتطبق على الجانى
وقى الله مصر شر الفتن والمفتونين
ولن تقبل مصر ورئيسها بوجود الارهاب الدينى او الفكرى او العنصرى
نقلا عن الفيسبوك