الشيخ مبروك عطية للرئيس: "مفيش ضريبة في شرع ربنا عالبيوت وفتح مصر كان بسبب الضرائب"

قال الشيخ مبروك عطية، على فرض الضريبة العقارية، "لو عندك فيلا بيعوها وأدعوا عاللي حط العقارية، الواد الأوزعة دة اللي وقف في مجلس الشعب وبعدها أقروها".

 

وأَضاف في برنامجه "كلمة السر" المقدم عبر فضائية MBC، ردًا على متصلة، أناشد الرئيس السيسي يشيل هذا الهبل، مفيش ضريبة في شرع ربنا عالبيوت يا ريس" –على حد قوله-.

 

وتابع، الأربع جدران ميبقاش عليهم ضريبة، وعلى الرئيس أن يفكر فيها وهو يحب المصريين، أنا أكره أني أدفع على بيتي ضريبة، أنا مش في عصر الهكسوس ولا في عصر التتار، مصر دي اتفتحت بسبب الضرايب، عمر بن العاص قال لعمر بن الخطاب حتى الموت عليهم ضرائب جميعًا، ففتحت مصر من أجل رفع الضرائب، مشددًا: إلا البيوت خد كل حاجة، خد من جيبي، لكن تاخد ضريبة على شقتي ليه؟ فاضل لي إيه أنا؟ أربع جدران يستروني، هتكرهني في البلد، اللي قافل شقة دة يتحاكم ويتسجن، لكن مفيش حاجة اسمها ضريبة عالبيوت".