حوار مع أطفال التهريب ورئيس شعبة المستوردين يفجر مفاجأت بالأرقام

كتبت – أماني موسى
ألتقى الإعلامي وائل الإبراشي، مع أطفال التهريب ببورسعيد، بعد أن شغلتهم قضيتهم الرأي العام.

من جانبه قال الطفل محفوظ، أنه في سنة ثانية ثانوي تجاري، وهو من سوهاج، لافتًا إلى أنه يعمل منذ أن كان 15 عامًا.

وأضاف أن أسلوب المذيعة "وحش"، فهل سألت نفسها قبل أن تسأله ما الذي دفعه للعمل في هذا السن بالأساس؟

وقال الطفل عن المذيعة، أنا مش عايز حد يأذيها عشان عندها أولاد.. ربنا يسامحها بس.

المهندس نجيب ساويرس: أطفال التهريب غلطوا لكن وظيفتنا نصلح ونستوعبهم ونديهم فرصة تانية

أوضح المهندس ورجل الأعمال نجيب ساويرس، أن أكثر ما جعله يتأثر بقصة أطفال التهريب، أنه وجد الطفل رغم صغر سنه إلا أنه ذكي ورجل وشجاع، وأنه وجد أن طريقة المذيعة غير مناسبة.  

وتابع في مداخلة هاتفية لبرنامج العاشرة مساء، هم غلط ولازم يعرفوا أن دة غلط، لكن وظيفتنا أننا نصلح أخطاءهم ونحتويهم ونستوعبهم، وهنديهم فرصة تانية ونقفل عالموضوع دة بقى.  

مستطردًا، لازم نبقى جدعان ونقف جنب بعض، أنا كدة مش بحل مشكلة بلد لكن مشكلة ولاد وكمان بلدياتي.

وقال أحد الأشخاص المتهمين أيضًا قي قضية تهريب الملابس، لم أكن أتوقع أن ينتشر الفيديو هكذا، وأن يعرفنا كل الناس، فنحن لا نهرب إلا ملابس ولا نهرب أثار أو حاجة كبيرة.

وقال محفوظ، أنا مشتغلتش في المخدرات ولا هربت سلاح ولا هربت حشيش، دة الشغل اللي لقيته.

وقال رئيس شعبة المستوردين، هناك حاويات بتخرج اسأل عليها الناس، تحت سمع وبصر الحكومة، بسبب القرارات اللي خلت الناس تلجأ إلى التهريب.

وتابع، نحن أبلغنا الحكومة، أن القرارات التي تم اتخاذها ستجعل مجموعة من المحتكرين وأصحاب التوكيلات هم فقط العاملين في السوق وأوقفت بيوت ناس كتير، وتسببت في خسارة الدولة لمليارات –على حد قوله-.

وتابع، الأرقام مخيفة، السنة اللي فاتت دخل جيوب المهربين أكتر من 25 مليار جنيه، لأن الحكومة مش عارفة تظبط موضوع التهريب دة، والنتيحة شباب مش لاقي شغل وتهريب للكبار.