زمن العجايب
عبير حلمى
٠٢:
٠٨
م +02:00 EET
الثلاثاء ١٧ يوليو ٢٠١٨
بقلم : عبير حلمي
زمن العجايب والكل كدة ماشي في غيبوبة غايب .....
غايب عن وعيه .....
غايب عن ماضيه.....
أما حاضره اللي هو عايش فيه ...
بقي في غيبوبة غايب
لو سألته سؤال هتلاقيه ...
يجاوب كده في الحال!!!!
والأجابة من السؤال ملهاش محل من الأعراب !!!!
يعني تقدر تقول ...
إيجابه ودور أنت بقي علي السؤال ؟؟؟؟
أصل عم الأفندي ماشي مسطول
من غير حشيش ولا مخدرات
ولا حتي ريحة دخان ......
طيب منين يجيب الدخان ؟؟؟
ده الجيب المليان فاضي من زمان.....
والأفندي المسطول أتسطل بس من الكلام ......
ما هو في غيبوبة قبل الأوان بأوان ......
بقولك الجيب المليان فاضي من زمان
هو أنا لازم أكرر الكلام ....
ولا السطل أصبح آفه العصر والأوان......
ده أحنا بقينا صحيح في زمن العجايب !!
والكل أصبح في غيبوبه غايب
ياتري فين ضحكتك ....
اللي كانت دايما صحبتك ...
ضحكتك اللي كانت لا تفارقك في يوم ....
ولا من غيرها ممكن ابداااا حد يعرفك ....
بقي الحال غير الحال ...
وهنا أتبدل كدة أووام الكلام ...
وأصبح الأفندي المسطول.....
اللي هربان من نفسه كده علطوول
هربان من زمنه ....
هربان من يأسه ....
وبقي السطل له عنوان .....
الزمن جه عليه ....
فضي الجيوب مش بأيديه !!!
آه من الغلا !!!! واللي عمله فيه؟!
خلاه بقي شبهه المساطيل
خلاه في غيبوبة غايب علطول ..
ياه أحنا بقينا حقيقي في زمن العجائب !!!!!
