نشطاء ينشرون قصة جديدة عن مجدي يعقوب.. تعرف عليها

تداول عدد من رواد موقع التواصل الاجتماعي قصة جديدة من القصص التي يتم تداولها عن إنسانية الدكتور مجدي يعقوب، مؤسس مركز مجدي يعقوب للقلب في أسوان.
 

وقال منشور متداول عبر موقع التواصل الاجتماعي "فيسبوك": "كنت راكب مع سواق تاكسي من كام يوم فلاقيته معلق الصوره دي (في إشارة لصورة مجدي يعقوب) فبقوله هو حضرتك، بتحب مجدي يعقوب للدرجه دي ! قاللي الراجل ده ربنا يكرمه ساعدني ومحوجنيش لحاجه الله لا يحوجه فسالته ايه اللي حصل وكده".
 

وأضاف: "قاللي ان ابنه اسمه كريم اتولد بمرض نادر في القلب سافر بيه مستشفيات كتيير في القاهره عشان يعالجه كل الدكاتره اجمعوا انه يروح واخره كام شهر كده والاعمار بيد الله او يسافر بره لان ملهوش علاج مكانش معاه فلوس كفايه وخايف علي ابنه واصر انه عمره ما هيتخلي عنه راح مستشفي القلب بتاعة مجدي يعقوب
 

وقعد يطالب انه يقابل الدكتور مجدي يعقوب فهموا موقفه وقابله فعلا وقاله ان كل العمليات اللي محتاجها ابنه ومن غير ولا مليم وحالته هو اللي هيعالجها بنفسه".
 

وتابع: "باختصار مجدي يعقوب ده من اعظم الشخصيات اللي ممكن نفتخر بيها بجد كفايه قلبه الابيض وحبه لكل الناس فقير زي غني يارب نكون كلنا مجدي يعقوب".