بالفيديو.. هكذا يتبنى الأجانب الكلب البلدي باعتباره كنز.. تعرف على ميزات الكلب البلدي

يحتفل محبو "الكلب البلدي" في مصر، اليوم الأربعاء الموافق 28 مارس،  بيوم الكلب البلدي. 
 

حيث اختارت محبة الحيوانات ليلى فايق يوم 28 مارس للاحتفاء بتلك الكلاب التي لا تحظى بالتقدير الكافي حسب رأيها. لكن أصحاب الكلاب البلدي في مصر وخارجها يشيدون بذكاء تلك الفصيلة، وارتفاع مناعتها.
 

كما أنها كلاب وفية لأصحابها، ووصفت أحد مربية كلاب بلدي أنهم أكثر ذكاءً وقدرة على الحراسة من فصيلة الجيرمن شيبرد.

الكلاب البلدى واحدة من أقدم السلالات؛ ترجع إلى العصور الفرعونية. تعتبر من السلالات القليلة التى بقيت دون المساس من التدخل البشرى. هم كلاب متوسطين الحجم؛ ذو بنية قوية؛ أذكياء؛ أوفياء؛ ودوديين؛ مضحكيين و دوماً فى حالة تأهب للدفاع عن أصحابهم لهم أذان مثل الذئب منتصبة جداً لذا فهم كنظام الإنذار المبكر. مستكشفين و بحاجة للتمرين. أقوياء الإرادة لكن قابلين للتدريب. لديهم شعر قصير لذلك يتطلبوا الحد الأدنى من العناية. و يرتبطوا بشكل قوى بالبشر.
 

سارة أبو بكر تحدثت معهم وعن اختيارهم للكلب البلدي. 

 

وفي يوم الكلب البلدي المصري وبغض النظر عن اننا لسة ماوصلناش ان يبقي عندنا احترام لحقوق المواطن البلدي المصري علشان الناس تحترم حقوق الكلب البلدي بس حبيت أقول كلمتين لكل واحد عايز يربي كلب أو ناوي يجيب كلب قريب:
 

- لو انت مش فارق معاك نوع الكلب ومش بتدور علي كلب فيه صفات معينة أو كلب بشكل معين، ولو انت مش فارق معاك تجوز الكلب أو الكلبة اللي هتجيبهم وكل القصة انك عايز كلب يبقي ونس ليك ويحبك وتحبه بدون أي شروط تانية يبقي روح علي طول اتبني كلب بلدي من أي جمعية أوحتي انقذ واحد من الشارع وخده طعمه واتبناه، وصدقني هتاخد منه كل الbenefits الأساسية (ونس، حماية، حب، وفاء، عبط، جد، لعب، ضحك، هبل، ذكاء، إلخ إلخ إلخ...) اللي ممكن تاخدها من أي كلب ان شالله لو كان أغلي كلب في العالم. اتبناه وأكسب فيه ثواب لأنه في أغلب الأحوال بيعيش له كام شهر ولا سنة واحدة وبتوع الحي بيعدوا يسمموه أو يضربوه في النار. 
 

أما لو انت زيي وعندك كذا كلب وصعب تتبني كلب بلدي فأضعف الايمان ماتأذيهمش وماتسيبش كلابك عليهم وماتخليش كلابك يأذوهم ويهاجموهم ويعوروهم أو حتي ساعات يموتوهم زي ما للأسف في ناس ملاك كلاب بيعملوا وبيبقوا فرحانين وفخورين قوي بكلابهم، علموا كلابكم ودربوهم ان مهاجمة الكلاب البلدي ده فعل خط أحمر و غلط جدا هيتعاقبوا عليه لو عملوه بدل ماتشجعوهم علي ده.