قصيدة جديدة: «لأمي بس لوحدها»
مقالات مختارة | بقلم : بولا وجيه
٣٠:
٠٨
ص +02:00 EET
الخميس ٢٢ مارس ٢٠١٨
فرقتنا بلاد وأحلام
ولساكي يا أمي حضن
بجري عليه يا ست الحسن
وأبكي لو صابني الحزن
لأمي بس لوحدها
ادوني بس حضنها
وأي حاجة تهون بعدها
الكلام عاجز في وصفك
بس عارفه إني أحبك
شلتي همك جوة قلبك
وشغلك بس همي
فطبيعي لما أكتب لأمي
أكتب لها هي بس لوحدها
لو توزنوا الناس بالذهب
هتلقوا أمي بالألماظ
هي الوحيدة بين الناس
قلبها بس حبني
تطبطب على روحي
وتقولها اطمنى
ومفيش حضن غير حضنها
وقت ضيقي ضمني
علشان كده لما جيت اكتب عنها
كتبت ليها لوحدها
وقفت الكلمات جوايا عاجزة
وقف الحب فيا بانبهار
هاتلي قلب يشرق بحبه
زي شمس في عز النهار
مش هتلاقي غير قلبها
حقيقه.. مفيهاش إنكار
كنتِ مريم وشايفة الدنيا صلباني
وظلماني..
لكن كنتِ واثقه إني هقوم
لا يقتلني حزن
و لا تكسرني هموم
لكن عاوز أعتذر لك
على كل لحظه غيبة
على كل خيبة
سببتها لقلبك
لكن صدقيني
والله أحبك
خدوا مني كل شيء
وادوني بس أمي
هتلاقوا داب همي
والعزم جري جوة مني
ورجعت كما كنت
ليه كل حاجة بتهون
إلا يا بعد أمي ما هنت!
أنا آسف وادعيلي
مفتوح لك بدل الباب
في السماء أبواب
ادعيلي يهون الغياب
وتتصلح الأحوال
في دعاكي يتصلح كل شيء
حتى عودي اللي مال
