هل من حق الزوج أن يطلب من زوجته الرقص؟ محمود: الراجل راجع من الشغل تعبان محتاج مراته ترقص له!

تساءل الإعلامي عمرو أديب ببرنامجه كل يوم، هل من حقوق الزوج أن يطلب من زوجته الرقص له؟ مشيرًا إلى أنه تلقى رسالة من أستاذة جامعية تقول فيها أن زوجها طالبها بالرقص له مثل صافينار.
 

وأجابت الفنانة رجاء الجداوي، هل من المعقول أن تمسك الأستاذة الجامعية بـ الصاجات وتقوم ترقص!
 

وأوضح أديب، أن زوج السيدة طالبها بالرقص حتى رغم أنها لا تعرف كيف ترقص، قائلاً لها شوفي الفيديوهات واتعلمي من صافينار.
 

سامي: "مفيش مشكلة لما الست تدلع جوزها شوية وتهزله هزتين كدة"
قال سامي، متصل من كارولينا الشمالية، أنه فلسطيني وزوجته مصرية، ولا يرى أي مشكلة في أن تقوم الزوجة بالرقص وتدلع جوزها شوية مش مشكلة يعني، مشددًا: "هي مش هترقص في النايت كلاب يعني، تهزلها هزة ولا هزتين مش هيحصل حاجة".
 

من جانبه قال محمود من القاهرة، "أنا مش شايف أس مشكلة أن الست ترقص لجوزها وهو راجع من الشغل تعبان ومحتاج أن الست بتاعته تضحك في وشه وترقص له"!
 

مشيرًا إلى أنه يعاني من مشكلة الرقص مع زوجته وأنه حين يطالبها بالرقص تقول له تعبانة، وأنه قام بشراء بدلة رقص من خان الخليلي بـ 500 جنيه وفي الآخر برقص أنا والولاد".
 

كما أشترى أربع بدل رقص أخرى، ولكن محاولاته لرقص زوجته فشلت، وتابع الست مش محتاجة أني أطلب منها ترقص، هي المفروض ترقص لوحدها.
 

بينما قالت لانا، من القاهرة، من حق الزوج يطلب من زوجته الرقص، لكن المشكلة في الطلب والطريقة، وألا يتم ذلك على طريقة أنها جارية وهو السيد.

وأضافت، لو جوزي طلب مني دة، المفروض أني أحاول أرضيه بأي طريقة.
 

وقال محمد من الجيزة، الرسول "ص" قال إذا قام الرجل بواجبه الزوجي مع مراته فله أجر، وبالتالي عليها هي الأخرى أن تعطي له حقوقه.
 

وشدد "من حق الزوج أن يطلب من زوجته الرقص له، ترقص مترقصش ليه، دة فيه أكتر من كدة بيحصل، دة راجل ومراته يا بيه".
 

وقال شعبان من الإسكندرية، هو الزوج مش هيطلب من مراته رقص متخصص، ترقص وخلاص، مش أحسن ما يبص برة.
 

وأيدت شيماء الفكرة، قائلة: "أيوة طبعًا من حقه، بمنتهى البساطة من حق الراجل يطلب من مراته أي حاجة طالما بالحلال، مش مهم بقى هي مهندسة أو وزيرة، هي بالنهاية مراته". وأكدت أن الموضوع مسألة تقدير.
 

وقال روكي من دبي، "أن من حق الزوج أن مراته ترقص له، أحسن حاجة أن الواحد يرجع البيت ينبسط ويدلع، ولازم الحياة تبقى جميلة".
 

وتساءل لو الراجل رجع البيت ملقاش راحة نفسية هيلقاها فين يعني؟ ولو الراجل ملقاش الرقص جوة البيت هيدور عليه برة، والست لازم تحافظ على جوزها.