عمرو أديب يعلق على فيديو عمرو دياب من الجيم: "إيه الصحة اللي أنت فيها دي"

علّق الإعلامي عمرو أديب، على فيديو استعراض النجم عمرو دياب للياقته البدنية في "الجيم"، قائلاً :"تفتح تويتر تلاقى عمرو دياب بينكد عليك رسمي، تشعر أن أنت متوفى إكلينيكًا وانتهيت وملكش لازمة.. أن أنت صيني، اتفرج ع الهضبة يلا، حاجة بقى نكد السنين".

 

وأضاف خلال تقديمه برنامج "كل يوم"، على فضائية "ON E"، 
 

والله يا جماعة أنا في أربعة بيقوموني من عالسرير، لكن عمرو دياب يقوم بأشياء يعجز عنها أي أحد يلعب فى ريال مدريد، فلديه صحة مفرطة، الأستاذ عمرو دياب بيقول يا صحة أوديكي فين".
 

وتابع، "ليه ياربي.. هو عمرو دياب وأنا عمرو أديب، هو بس فرق الحروف، لو كنت أنا عمرو دياب كانت الحياة تحسنت كتير، عنده شعر وصحة وفلوس والبنات بتحبه ورياضة غير طبيعية".
 

وأستطرد، الهضبة عمرو دياب يتحدى الحسد، كأنه يقول :"عمرو أديب، موت بغيظك".
 

وتابع:" أنا هموت بكرا وعمرو دياب عاوز يعيش مليون سنة، خلص الخمسين سنة اللى فاتت وقرر يكمل الخمسين التانيين، ربنا يديك الصحة، يا عمرو أخوك تعب، دة إيه السعادة اللي أنت فيها دي".