السيسي: «مينفعش سعر التذكرة في المشروعات الجديدة للمترو تكون بضعف الحالية ولا بثلاث أضعافها حتى» ..فيديو

وجه الرئيس عبدالفتاح السيسي الشكر للواء أحمد فودة مساعد رئيس الهيئة الهندسية بالقوات المسلحة، على ما تم تحقيقه من إنجاز كبير في تنفيذ مشروع حفر أنفاق قناة السويس.

وقال الرئيس السيسي خلال حضوره اليوم الاحتفال بانتهاء أعمال الحفر بأنفاق قناة السويس بالإسماعيلية،: «عندي أمل أنا وكثير من المصريين في مشروع أكبر من هذا بكثير، وبتمنى عمل مرحلة الـ14 كيلومترا لمترو الأنفاق، احنا مستعدين إنهم يخشوا يشتغلوا معانا ونعمل لأول مرة كل حاجتنا من الأول للآخر بشركات مصرية وبمعدات مصرية».

وتابع الرئيس: «هاخد الماكينات من هنا على مكان تاني هناك، بس لما بنيجي نعمل مشروعات زي كده بناخد قروض من دول بتمول المشروعات دي، لكن في الحالة دي التمويل هيكون من الدولة، والدولة قدرتها مش قوية إنها تمول مشروع بالحجم ده».

وأردف الرئيس: «عشان كده محتاجين تنسيق مع البنوك حول القروض بفائدة مناسبة شوية، وبالمناسبة لن يكون سعر المشروعات دي للمستخدم بأسعار عادية زي ما بتتقدم، لا، النهارده محتاجين 20 أو 30 مليار جنيه أنفاق بس ولما نحط المعدات في 10 مليارات جنيه كمان، عشان كده مينفعش يبقي سعر التذكرة بالسعر اللي موجود بيه دلوقتي، ولا بضعف التذكرة ولا بثلاث أضعافها بصراحة كده».

ووجه الرئيس السيسي حديثه للواء أحمد فوده قائلا: «لو كنتوا انتوا جاهزين يا أحمد أنا جاهز، ودرسوا الموضوع ده ونتكلم فيه وانت المسئول عنه».