ولِسّه
مرقس كمال زاخر
٥١:
٠٨
ص +02:00 EET
الثلاثاء ١٢ ديسمبر ٢٠١٧
مرقس كمال
أسوار محاوطانا
وقيود وربطانا
والروح ماليها سلام
م الدنيا هربانة
ولسه بنعافر
بخيالنا بنسافر
لدنيا ما يعيشها
إلا ضمير غافر
ولِسّه السكات حاكى
قصة أمل باكى
بدموع رجاء وحنين
بشكر مش شاكى
ولِسّه بنصلى
ياربنا خلى
قلوبنا من حبك
غرقانة بيه تملى
ولِسّه رغم الضيق
قلوبنا شايفه طريق
فى نهايته راح نلقى
فرحة بأغلى صديق
ولِسّه أحلامنا
حاطّينها قدامنا
ووراها راح نسعى
فى كل أيامنا
ولِسّه القمر بيدور
والشمس قايده النور
ولِسّه قلوبنا جناين
بالحب طارحة زهور
شخابيط من القلب
