بقلم: مايكل فارس

حزلئوم :فيلم " شئ من الخوف " بيتكرر اليومين دول في حتت كتيره أوي ..والدهاشنة من ساعة الفيلم اتقسموا شوية راحوا ابو قرقاص وشوية راحوا اطفيح وشوية راحوا قنا ؛ و شادية الله يمسيها بالخير كانت حاسة باللي هيحصل في 2011 وكانت بتغني في الفيلم " ياعيني ياعيني ..ياعيني ع الوالد..الحلم اللي حلمتة في الصبح بيتولد..يصبح ذنب البلد يصبح هم البلد."
......: إنت بتلمح لاية بالظبط ؟
حزلئوم: انتوا مين.؟...........من أنتم ..من أنتم؟
أبو قرقاص واطفيح وقنا.....شكلك عايز تثير فتنة طائفية؟.
حزلئوم: لا مش بثير فتنة طائفية انا بفكر في اللي حصل في قنا شوفوا اذاي السلفيين مش عايزين مسيحي يكون محافظ وشوفوا اللي حصل في ابو قرقاص ...من أنتم ..من أنتم؟
عبد المنعم الشحات: انا الشيخ عبد المنعم الشحات المتحدث باسم الجماعة السلفية في الإسكندرية ويكون لعلمك نحن نطالب باحترام دين الأقلية على الأقلية احترام دين الأغلبية..ويكون لعلمك ازمة قنا في القانون المصري الحالي لانة يجعل اختيار المحافظ بالتعيين لكن على السلطة اختيار حل وسط مثل استطلاع رأي ؛ كما أن هناك من يعترضون انطلاقا من أنه "لا ولاية لكافر”
حزلئوم : هو المسيحي كافر ؟
عبد المنعم :إن المسيحي يمتاز عن غيره بأنه من أهل الكتاب لكنه "كفر بالإسلام كما أن المسلم كفر بالنصرانية؛ كما يجب ان تعلم ان لإسلام يأمرنا أنه طالما نعيش في بلاد المسلمين تكون الولاية العامة للمسلمين
و هناك أشياء كثيرة ووظائف مرموقة كثيرة لا تندرج تحت الولايات العامة أمام الأقليات التي تعيش في المجتمعات ومنهم "الأقلية النصرانية " التي تعيش في مصر وهي جزء من نسيج المجتمع، مثل الأطباء والمهندسين والمحامين والمدرسين والوصول بها إلى أعلى المستويات
حزلئوم :يعني مش هينفع يكون محافظ مسيحي في مصر تاني بعد الثورة ؟
......: أقلك انا ؟
حزلئوم : مين حضرتك ؟
انا صفوت حجازى: يكون لعلمك محافظ قنا الجديد لن يدخل قنا إلا بالدماء، وذلك وفقا لما رأيته خلال زيارتى لمحافظة قنا وجدتهم يكرهون بشدة مجدى أيوب، لأنه كان متطرفا للغاية، واهالي قناخائفون من أن تكون قنا كوتة لمحافظين الأقباط وتصريحات الدكتور يحيي الجمل نائب رئيس مجلس الوزراء، حول استلام ميخائيل منصبه،فيكون لعلمك رئيس الوزراء ليس له كلمة علينا، ولا شعب قنا، وما يريده القنائيون سوف يكون

حزلئوم: ياسلام.. يبقي أنا اللي بثير الفتنة الطائفية علي كدة.. يعني منصب في الدولة مايخدهوش مواطن علشان دينية مش فتنة طائفية .وكمان مظاهرات السلفيين في كل مكان ضد الاقباط ومنعهم الصلاه في الكنائس والاعتداء عليهم في امبابة واطفيح وغيره وغيره ولا موضوع كاميليا اللي راحوا اتظاهروا قدام مقر المجلس العسكري وشتموا البابا شنوده وقالوا ياكاميليا ارفعي راسك وحطي شنودة تحت مداسك ..دي مش فتنة ولا اية
..... :انت بتتكلم عن كاميليا
حزلئوم : إنت مين ؟
انا الشيخ محمد الزغبي : اقسم بالله.. اقسم بالله.. اقسم بالله.. إن لم تحل مشكلة كاميليا خلال أيام وتظهر في الفضائيات، لأخرج مع شباب مصر الأوفياء ولم يسعنا ميدان التحرير، بل سنتجه للأديرة لإخراجها
حزلئوم : يااااااااسلام هو مفيش دولة هتروحوا بصفتكم إية ؟

صفوت حجازي: لان الخلافة قادمة انا علي يقين ان الاسلام قادم وان الخلافة قادمة وفي يوم من الايام ستكون هناك الولايات المتحدة الاسلامية وتكون مصر والسعودية والمغرب هي ولاية من الولايات العاصمة تكون فين مايهمناش
لكن هيكون لينا قائد واحد ومش هيكون فية جامعة دول عربية سيكون هناك مجلس خلافة وخليفة وكل الرؤساء يكونوا ولاه ويكون معانا باسبور واحد
حزلئوم : ياااااااسلام ...

محمد حسان: ويكون لعلمك أنه لا يجوز ولاية المرأة في الأمور العامة خاصة الرئاسة كما لا يجوز ولاية القبطي بحسب اتفاق العلماء. إلا أنه أجاز ولاية المرأة والقبطي في الشئون الخاصة ويجب الاحتكام في هذا الشأن للمادة الثانية التي تنص على الهوية الإسلامية لمصر، وكما لا يجوز للمرأة أن تؤم المسلمين في الصلاة فلا يجوز أن تتقدمهم في الولاية العامة أن هذا ليس انتقاصا من قدر المرأة أو الأقباط
حزلئوم : عندك حق مش انتقاص من قدر المرأه أو الاقباط خالص مالص ..دي حقوق اكتر من اللزوم ...لا لا دي حقوق اكتر من الحقوق اللي حطتها المواثيق الدولية كمان

.......: نسيبك علشان رايحين ابوقرقاص.!!!!
حزلئوم : لية .؟
ابدا اصل بعد مارحنا اطفيح وقنا ... الاخوه في ابو قرقاص عايزين يحولوا كافتيرا علاء رشدي المحامي المسيحي لمسجد اسمة الشهداء..فرايحين نقولهم الرأي الشرعي في تحويل الكافتيرا المسيحية لمسجد اسلامي

حزلئوم: طيب مع السلامة ؟
حزلئوم : يااااااااااه نسيت أسألهم ...يا تري الكوبايات والكراسي اللي في الكافتيرا ...من الناحية الشرعية المفروض تتوزع علي المسلمين في ابو قرقاص ولاترجع تاني لصاحب الكافتيريا

ملحوظة هامة: ماورد علي لسان الشيوخ هي تصريحات رسمية لهم في القنوات الفضائية والصحف