بعد السخرية من «أنفها».. رد غير متوقع لابنة شريف منير

سخر نشطاء مواقع التواصل الاجتماعي خلال الأيام الماضية من خبيرة التجميل أسما، ابنة النجم شريف منير خطيبة الممثل محمود حجازي، من شكلها وخاصة حجم أنفها مما دفعها للرد عليهم ووضع حد لهذا الأمر.

ونشرت أسما صورة لها عبر حسابها الشخصى على موقع "إنستجرام"، وكتبت عليها "أنا مناخيري كبيرة آه وربنا شايف كدة، وخالقني كدة، وقالي كمان إنه خلقني في أحسن تقويم، أتولدت وكبرت وأهلى برضه شايفني كدة قوم إيه الواحد يطلع في الدنيا مصدق إنه تمام ييجي بقى الواقع يضربه على مناخيره، وفجًّأة تصدق الناس وتتكسف من عيوبك وتفقد الثقة في نفسك".

وأضافت " كتير بسبب إن مناخيري كبيرة كنت بفقد الثقة بنفسي وكنت باقول لأهلى إنى عايزة أعمل فيها عملية بس دايمًا كنت بخاف اعملها، وبعدين لما اتعلمت الميكب وبالذات الكنتور عرفت أصغرها بالميكب وده زودلى الثقة شوية وبعدين اتعلمت أصغرها في الادتنج انشكحت اكتر، عشان الناس عنيفة في رأيها فساعات بيهزنى وبتراوضني فكرة العملية".

وأكملت أسما كلامها قائلة: "لحد ما قررت إنى أتصالح مع فكرة إن منخايرى كبيرة.. لقتها لايقة على وشى، ربنا شافها حلوة كدة وادانى حاجات تانية حلوة فى وشى.. وفجأة حصلى حالة تفكير وافتكرت إنى مش كاملة وإن عيوبى جزء منى والمفروض إنى أتعلَّم أحبها عشان مش الأسهل إنى أغيرها، تخيلت لو جالي لوحة من پيكاسو مثلًا هدية حتا لو معقده وفيها جزء مش عجبنى مش هجيب فرشة وألوان وأعدل عليها، محدش هيعمل كده طب إيه بقى".

واختتمت قائلة "أنا لسة بتعلم أحب نفسى بس بشكل صحى مش مريض وقلت لازم ابتدى فى علاجها بإنى أتكلم عنها بكل صدق وفي تصالح بس كده".

وكانت أسما شريف منير قد احتفلت بخطوبتها على الفنان محمود حجازي، بصحبة أصدقائهم وأصدقاء والد العروسة الفنان شريف منير فى أحد الكافيهات الشهيرة بمنطقة 6 أكتوبر، حيث حرص على حضور السهرة العديد من الفنانين أبرزهم أحمد زاهر وأمير كرارة وشيرى عادل، إلى جانب روجينا وأشرف زكى.