محمد رمضان يكشف سبب تقبيله الصليب في «الأسطورة» (فيديو)

كشف الفنان محمد رمضان، عن سبب تقبيله «الصليب»، في أحد مشاهد مسلسل «ابن حلال».

ووجه «رمضان»، سؤالا عبر صفحته على موقع التواصل الاجتماعي «فيس بوك»: «ليه الصليب بوسته في المشهد ده؟!».

ورد «رمضان» على التساؤل قائلا: «أخويا في الرضاعة مسيحي اسمه روماني جرجس.. لما كان عمري سنة أمي تعبت واتحجزت في المستشفى أسبوع، واللي رضعتني الأسبوع ده أم روماني.. والشارع اللي كنت ساكن فيه كان تقريباً أربع بيوت بس المسلميين والباقي مسيحيين.. أفراحهم كنا بنحضرها في الكنيسة وكانوا بيحضروا كتب الكتاب في قاعة المناسبات في المسجد.

وتابع «رمضان»: «كان أكلنا واحد وأحلامنا وأحزانا واحدة (وثقة في الله هنفضل كده)، ويمكن علشان كده في المشهد ده اتفاجئت إني بابوس الصليب بدون أي اتفاق مسبق مع المخرج بتلقائية وعفوية، وذلك لأني اتعودت واتربيت على أن أحترم ما يحترمه إخوتنا المسيحيين (الدين لله والوطن للمسلمين والمسيحيين معاً )