![](http://www.copts-united.com/uploads/3445/50_20180807153533.gif)
عمرو أديب: إن شاء الله يتفك نحس كوبر فكًا مبينًا وللمشجعين: بلاش تضغطوا على اللعيبة
أماني موسى
الأحد ٨ اكتوبر ٢٠١٧
كتبت – أماني موسى
ناشد الإعلامي عمرو أديب، لاعبي المنتخب الوطني بضرورة التركيز في مباراة اليوم أمام الكونغو للوصول لمونديال كأس العالم 2018 بروسيا، قائلاً: "زى دلوقتي بكرة ممكن تكون مصر في فرح غير طبيعى، إحنا إن شاء الله عاوزين نجيب جول ونخلص الماتش مش عاوز نقطع الشبكة".
وتوجه بنداء للجمهور المتواجد بالإستاد قائلاً: أرجوكم الصبر.. بلاش تضغطوا على اللعيبة، لو سمحتوا إهدوا واصبروا كده ومتستعجلوش، عاوزين كل الناس تهدى كده.. قليل من الهدوء، وإن شاء الله بكرة يبقى عيد ومصر تقدر تعمل حاجة".
وتابع، "بلاش تضغطوا على اللاعبين.. إحنا عايزين جون واحد بس، وبلاش تعملوا مشاكل في الاستاد، الناس بتتلكك للمصريين".
وتابع، "أنا انتمي للجيل بتاع سنة 90 اللي شاف ثورات وتعويم وغلا ونفسي مرة تتختم معانا كدة يا قادر يا كريم يا حنان يا منان بفوز مصر عشان تتأهل لكأس العالم".
مشيرًا إلى أن بعض تيارات الإسلام السياسي يتمنون خسارة مصر لموقفهم السياسي، قائلين: "دي هتتحسب له" قاصدًا الرئيس عبد الفتاح السيسي.
مشددًا، أوعوا يا جماعة أي حد يعمل تصرف غير مسؤول أو محسوب بالإستاد، أرجوكم"، داعيًا، "يارب يا كريم أرجوك فرح كل المصريين، آن لهذا الشعب أن يسعد".
وأستطرد، "إن شاء الله هيتفك نحس كوبر فكًا مبينًا، وإن شاء الله بكرة زى دلوقتي قلب مصر هيقف، والمصريين شامين هواء موسكو، وبقول للاعبية مصر.. نحن نثق فيكم وعارفين إن انتوا قد المسئولية وعاوزين تدخلوا التاريخ".
وتابع، "إن شاء الله يتم كتابة التاريخ بأنه في هذا اليوم قام المنتخب المصري بالفوز في التصفيات الأفريقية المؤهلة لكأس العالم، وكلنا نغني ونفرح وننبسط".