عمرو أديب: إحنا هنفضل رهن الفتوى؟ يبقى شيخ الأزهر يحكم في كل حاجة ويقرر لنا!

استنكر الإعلامي عمرو أديب، زواج القاصرات الذي يقوم به بعض المشايخ، قائلاً: "تخيلوا بنت 12 سنة مطلقة وحامل إيه العقدة اللي هتجيلها؟ دي ملحقتش تلعب.. دي اتلعب فيها" –على حد قوله-.
 

وأضاف أديب، "إيه اللي إحنا بنعمله دة؟ ومستنين بقى نروح للأزهر ومجمع البحوث الإسلامية ويبص ويجتمعوا ويشوفوا ودة ضد الشرع وضد القانون".
 

متساءلاً: كيف تتقدم المجتمعات؟ انظروا لتونس وحتى السعودية ذلك المجتمع المحافظ.. إحنا هنفضل رهن للفتوى؟ هو دة المجتمع بتاعنا؟".
 

مستطردًا، يا جماعة يا عقلاء هل الشاب صاحب الـ 13 سنة يقدر يتجوز ويفتح بيت؟ دة الشاب في التلاتينات وبيبقى مش لاقي ياكل، إحنا بقى نرجع نبيع البنات ونرجع ملك اليمين والجواري.
 

وتابع، ماذا لو ظهر شيخ الأزهر ليقول رأيه المخالف كما حدث في مسألة الطلاق الشفهي؟ خلاص يبقى شيخ الأزهر يحكم في كل حاجة ويقرر لنا، ويقول هل إحنا دولة دينية؟ ولا دولة مدنية؟