رجل واحد تغلب على الاعتقاد السائد في العالم كله

بصوا في تفاصيل وشه في الصورة الكبيرة , شوفوا إزاي بيقاتل لأجل حلمه
شوفوا إزاي مغمض عنيه و ناسي الدنيا كلها و مركز بكل وجدانه على حلمه
..
تبدأ الحكاية في شهر أبريل سنة 1954
مفيش حد في تاريخ البشرية كلها قبل التاريخ ده قدر أنه يقطع مسافة 1 ميل في 4 دقائق
العلماء و الخبراء , اكتشفوا إن الإنسان مهما بلغت قوته الجسدية لا يستطيع مطلقاً أن يجري مسافة 1 ميل في أربع دقائق و لو حد حاول يعمل كده هيموت
..
لحد ما جه شاب صغير عنده 25 سنة من إنجلترا اسمه (( روجر بانستر ))
قال أنا هقدر أجري 1 ميل في 4 دقائق
أنا هتحدى العالم كله و هحقق حلمي
..
طبعاً مش محتاج أقولكم كان أيه رد فعل الناس
بس كفاية أقولكم أن مفيش ولا واحد شجعه ,, ولا حتى صديق و لا حتي قريب
الكل اتريق عليه , الكل تجاهله , الكل نظر ليه نظرة " أنت مين أنت ؟!"
..
طيب روجر بانستر عمل أيه ؟!
برضو مش هقولكم , أنا هسيب الصورة الكبيرة هى اللي هتتكلم
لأنها بالفعل بتتكلم
مغمض عنيه , سادد ودنه عن كل الأصوات , بيحاول بيعافر بيقاتل
مصدق نفسه
أيوه روجر بانستر صدق نفسه و بدل ما يقعد يسمع لأصوات المحبطين
نزل اتدرب و اشتغل على نفسه
بقى يصحى كل يوم من الفجر و يجري و يبذل كل ما في جهده
و لكن الأهم من كل ده
روجر بانستر آمن أنه هيحقق حلمه
..
و بعد ما اتدرب و استعد كويس
قدم طلب في اللجنة الأوليمبية بتنظيم سباق استثنائي هيقدر فيه أنه يجري مسافة 1 ميل في 4 دقائق
اللجنة قالت" و ليه نرفض ؟! " تعالوا ننظم سباق عشان نضحك شوية عليه بعد ما يخسر
أصحابه و قرايبه جاءوا عشان يحضروا السباق , و كلهم عارفين أنه هيفشل
لكن , الوحيد اللي جاء مع روجر بانستر السباق و هو عارف أنه روجر هيفوز كان روجر بانستر نفسه . لأنه روجر بانستر آمن من أعماقه بمعجزة الأمل
..
بدأ السباق و بدأ الخبراء في تشغيل ساعة العد التنازلي المضبوطة على 4 دقائق
روجر بانستر غمض عنيه , سد ودنه . مركزش مع اى حد موجود
كان فقط لا يري سوف حلمه الذي سوف يحققه
و بدأ السباق
و جري روجر بانستر و كان الجميع يري روجر و كأنه يطير في المضمار
و ذلك لأن أجنحة الأمل رفعته
روجر أمن و صدق و تعب و فعل كل ما في إستطاعته
فكانت النتيجة أن: ........... !
..
و هنا حدثت الصدمة للكل
روجر بانستر لم يقطع مسافة 1 ميل في 4 دقائق
بل قطع مسافة 1 ميل في 3 دقائق و 58 ثانية
أي أقل حتي من الزمن الذي توقعه الخبراء و العلماء و كافة الرياضيين
الجميع وقفوا في صدمة و ذهول .. كيف حدث ذلك ؟!
كيف ؟! .. كيف؟!
لن أجيب
الصورة سوف تجيب
الأمل و الإيمان الذي يشع من قلب روجر بانستر انتصر على الاعتقاد السائد في العالم كله
و ليس هذا فقط بل أنه صار معجزة أمل لكثيرين
لدرجة أنه بعد سنة واحد
استطاع 20 ألف شاب أن يجري مسافة 1 ميل في 4 دقائق و أحياناً أقل حتى من 4 دقائق
..
وكان بانستر أول من حصل على جائزة الرجل الرياضي لهذا العام
(Sportsman of the Year)
 من مجلة سبورتس إلاستريتيد
في يناير عام 1955
و قدم تم بيع حذاؤه الذي يظهر في الصورة الأخيرة بمبلغ 266500 جنيه إسترليني (412062.30 دولار أميركي).
روجر بانستر مازال حياً عمره 88 عام كما أنه حصل على مرتبة الإمبراطورية البريطانية
(CBE)
تخيلوا لو لم يؤمن روجر بانستر أنه يستيطع أن يحقق حلمه لكنا حتي يومنا هذا تحت وطأة الاعتقاد السائد أنه لا يستطيع الإنسان ان يجري مسافة 1 ميل في 4 دقائق



..
و أنت كمان في حلم جوا قلبك , ربنا زرعه جواك و بيسندك و بيشجعك
و حتي لو العالم كله و الخبراء و العلماء و المتخصصين قالولك مستحيل تحقق اللي بتفكر فيه
غمض عينك , سد ودانك , انهض و اشتغل على نفسك و اتعب شوية
أمن بنفسك و صدق نفسك .......... هتنجح و هتحقق حلمك
و هتكون سبب نور و معجزة أمل لكثيرين هيعملوا زيك لما يشوفوك حققت حلمك
أنت معجزة أمل

سلسلة معجزة الأمل الحلقة الحادية عشر