الكابوس يتحول لحلم عظيم

بقلم - د. جون مجدي
عام 2012 , فريق مانشستر سيتي كان فاضله مبارة واحدة فقط في الدوري الأنجليزي عشان يفوز بالدوري (( اللي بقاله 44 سنة مش بيفوز بيه ))

المبارة كانت قدام فريق: كوينز بارك رينجرز "اللي كان محتاج يفوز عشان مايهبطش للدرجة تانية"

مانشستر سيتي ماكنش عنده حل غير الفوز ,, أى نتيجة تانية هيخسر الدوري لصالح فريق مان يونايتد

المبارة بدأت بحماسة غير عادية من فريق مانشستر سيتي و تمكن خلال دقائق أن يحرز الهدف التقدم عن طريق الباك رايت (( زابليتا ))

و مرة واحدة حلم الدوري و الفوز اتحول لكابوس

فريق كوينز أحرز هدفين متتالين عن طريق (( بنتيكي)) و (( جيمي مايكي ))

و بعد كده لعبوا بخطة دفاعية مستميتة عشان يمنعوا فريق مانشستر سيتي أنه يحرز أى هدف

انتهى الشوط الأول و فريق مانشستر سيتي مهزوم و الحلم تدريجياً هيتبخر

نزل فريق مانشستر سيتي الشوط التاني بحماسة أكبر , عملوا كل حاجة

لكن كوينز بارك كان بيدافع بإستماتة

و وصلت المبارة للدقيقة 90 و فريق مانشستر سيتي خسران 2-1
و الحكم عطاهم 4 دقائق وقت بدل ضائع

جمهور مانشستر سيتي ابتدى يمشي و يسيب المدرجات و هما بيبكوا لأن حلمهم بالفوز بالدور خلاص ضاع
لكن فريق مانشستر سيتي لم يستسلم أبداً

رغم أنه وصل خلاص للدقيقة 2 من الوقت بدل الضائع
و من ضربة ركنية ارتقى اللاعب البوسني (( ايدن ديزكو )) من فوق الجميع و سدد الكرة برأسه في المرمى ليحرز هدف التعادل

الجمهور بسرعة رجع تاني للمدرجات و ابتدوا يصرخوا Champion Champion
و خلاص فاضل 30 ثانية فقط علي انتهاء المبارة

و لازم فريق مانشستر سيتي يحرز هدف ثالث عشان يفوز و يحقق الحلم اللي محققوهوش بقالهم 44 سنة
حصلت حالة من الجنون و الهيستريا في أخر 30 ثانية

أنا مش هكمل معجزة الأمل المرة دي
لكن هسيبكم أنتوا بنفسكم تشوفوا أيه اللي حصل
هسيبكم تعيشوا لدقائق أزاى ممكن الحلم ممكن يتحول لكابوس

و أزاى البطل بيرفض أنه يستسلم مهما حدث
حتي أخر لحظة البطل سوف يقاتل بكل ما فيه عشان يحقق حلمه

اتفرجوا أيه حصل:
عايزكم كل ما حد فيكم يحس أنه حلمه انتهى و اتحول لكابوس

يفتح الفيديو ده و يعيده 100 مرة لحد ما يؤمن أن الكابوس هيتحول لحلم أعظم من جديد
و لكن يجب أن تقاتل حتي و أنت في أسوأ كوابيسك

حتي تنال أعظم أحلامك
#قاتل_لأجل_حلمك
#لا_تيأس_أبداً