أقباط الجالية المصرية في اليابان "فرحون" بتدشين أول كنيسة

نشرت صحيفة الوطن، تقريرًا عن آراء الجالية المصرية في اليابان، عن إنشاء أول كنيسة دشنها البابا تواضروس الثاني بابا الإسكندرية وبطريرك الكرازة المرقسية، في اليابان، خلال زيارته الرعوية الأولى منذ جلوسه على الكرسي البابوي في 2012، إلى اليابان التي بدأت السبت الماضي.

 

وقالت روز سليمان، إحدى أبناء الجالية إنه "بالنسبة ليا كمسيحية عايشة في اليابان من 5 سنين الكنيسة القبطية فرقت معايا جدا بشكل شخصي، خصوصا إني بقيت ألاقي مكان بيقيم القداسات والصلوات بتاعتنا هناك وبلاقي ناس تشاركني".

 

وأشارت دميانة جميل، إلى أن " الكل هنا كان فرحان جدا خصوصا الناس اللي عايشة من فترة طويلة لأن مفيش كنيسة قبطية هنا والحمدلله بقى عندنا مكان نصلي فيه ونتجمع"، مؤكدة أنها تحرص على الذهاب بشكل مستمر للكنيسة بخاصة وأنها يفصلها عنها ساعة فقط بالقطار،"أنا ساعة بس بالقطر بيني وبين الكنيسة وبروحها دايما".