![](http://www.copts-united.com/uploads/3445/50_20180807153533.gif)
الثلاث بنات
مايكل دانيال
٢٨:
٠٨
م +03:00 EEST
الخميس ٢٤ اغسطس ٢٠١٧
مايكل دانيال
انك تشوف ولد ناجح فدة شيء عادي، او انك تلاقي زوجة بتساعد زوجها علي النجاح فده برضة شيء طبيعي، اما انك تلاقي ثلاث بنات اصحاب و بس بيبتدوا لوحدهم مشروع كامل و كل رأس مالهم هو حلم جواهم فده بقي شيء مميز جداً
الثلاث بنات دول (مارو – كاتي – ماريا) سنهم لا يزيد عن 25 سنة و كلهم خريجين تربية فنية، بس معاهم درجات علمية (دبلومة – ماجيستير) و عندهم هدف و رسالة مجتمعية بيقدموها من خلال Art Mania Academy و هي تعليم الفنون و الحرف اليدوية (تطريز – حرق علي الخشب – رسم – صناعة اكسسوارات... و غيرها) لكل الاعمار و كمان بيقدموا حاجة جديدة مش موجودة كتير في مصر و هي (العلاج النفسي للأطفال بالرسم) و فيه الطفل بيرسم بحرية و بمساعدة اخصائي امراض نفسية و عصبية موجود معاهم بنبدأ نعرف كتير عن اللي جوه الطفل ده و بكده نقدر نساعد اهله في كيفيه التعامل معاه
البنات دول كسروا حاجز مجتمعي سخيف بيمنع البنت اصلاً انها تشتغل، لكن هما اختاروا ان يكون ليهم نجاحهم و شكلهم الخاص جداً و شعارهم (في الاتحاد قوة) و حطوا ايديهم في ايد بعض.
عنوانهم في مصر الجديدة - جنب مطعم شيخ البلد – جسر السويس - بالقرب من منطقة الالف مسكن.
حقيقي فخور بنماذج مشرفة جداً في بلدنا بتقول ان تحقيق الحلم مش مستحيل بشرط الايمان بيه و بدعوا الجميع انهم يروحوا يشوفوا المكان ده و يبعتوا اولادهم يتعلموا معني الفن الحقيقي علشان نلاقي في المستقبل فنانين بجد بيقدموا شيء جدير بالاهتمام للإنسانية.