مجدي طلبة: لم أدخل مكتب وزيرة الاستثمار منذ تولي زوجتي المنصب

كتب – محرر الأقباط متحدون
قال رجل الأعمال مجدي طلبة، رئيس مجلس إدارة شركة كايرو قطن، إن أعماله مستمرة في مصر، ولم يصفها، وإنه لم يستفد من منصب زوجته وزيرة الاستثمار والتعاون الدولي  د. سحر نصر.

مضيفًا بحسب مصراوي، أنه بعكس ما تداولته بعض الأخبار على مواقع التواصل الاجتماعي، يتوسع في أعماله واستثماراته على خلفية ترأس زوجته لهذا المنصب.

مستطردًا، "لم أدخل مكتب الوزيرة حتى يومنا هذا، مع أني كنت بدخله كل شهر قبلها.. وربنا يقدرني مدخلهوش طول ما هي موجودة في الوزارة".
وتابع، "منصبها ده ضرني عكس ما الناس بتتكلم، وإحنا واخدين عهد لا نتدخل في شغل بعض، ولما شركاتي بتكون محتاجة حاجه من الوزارة، بنقدمها في جواب رسمي، مش عليه اسمي، ومحدش يعرف إني أنا بعته، لحد ما تتم الإجراءات زي ما بيحصل مع كل الناس".

وأضاف، "أنا عندي استثمارات بالملايين وفي 6 آلاف عامل شغالين معايا، وبصدر لحوالي 32 دولة كل أسبوع، وأنا المستثمر الوحيد اللي بعمل تجديدات في قطاعي، ومفيش حد منافس ليا، علشان كده مش ساييبني في حالي ومابيبطلوش وجع دماغ عليا وعليها، رغم إن الوزيرة بتضع قوانين الاستثمار فقط وملهاش علاقة بالتطبيق".