40 نصيحة من مواقع التواصل بعد زيادة أسعار الوقود: "أبوس إيدك متشتغلش التكييف"
أخبار مصرية | الفجر
٣٠:
٠٤
م +03:00 EEST
الخميس ٢٩ يونيو ٢٠١٧
شن عدد من رواد مواقع التواصل الاجتماعي، حملة سخرية، خلال الساعات القليلة الماضية، عقب إصدار الحكومة قرارًا بزيادة أسعار الوقود في مصر.
رواد إحدى الصفحات قدموا 40 نصيحة بشكل ساخر، تقليلًا من سخطهم على قرار الزيادة الذي أعلنه مجلس الوزراء.
تلك النصائح وضعوها في إطار "إزاي توفر البنزين"، وهي كالتالي:
1- متشغلش التكييف.
2- انسى الفرك والتخميس .
3- ممنوع تحرق على الغيار.
4- بطل العربية و انت نازل تشترى حاجة حتى لو 20 ثانية.
5- متشغلش التكييف.
6- بطل العربية فى الاشارات.
7- متسافرش بالعربية بعد كده.
8- لو معاك عربية اكتر من 1600 CC بيعها.
9- لو معاك عربية اكتر من 1200 CC بيعها برضه.
10- متشغلش التكييف.
11- ممنوع تركب اكتر من اتنين معاك فى العربية.
12- ممنوع تفتح اكتر من شباك و انت سايق.
13- لو السكة زحمة اركن على جنب لغاية ما تسلك.
14- خلى معاك حبل فى العربية عشان حتحتاجة كتير.
15- متشغلش التكييف.
16- لو فى اكتر من عربية فى الاسرة انصحك بالاستغناء عن واحدة ان لم يكن كلهم.
17- شغل التيربو و الديفيل و فلتر هواء الرياضى ده تنزل تشيله و تولع فيه وقتى.
18- حاول تسترزق فى السكة خدلك واحد من الطريق و خد اللى فيه النصيب.
19- الشد مع عربيات فى السكة دى بقت اسمها فقرة الذكريات.
20- ابوس ايدك متشغلش التكييف.
21- اللى معاه جيب او عربية دفع رباعى ده راجل يستحق الصدقة دلوقتى متنساهوش عشان ربنا يفتكرك.
22- عصر الشهامة و انزل اوصلك يا حاج انتهى ياريت تراجع نفسك تانى قبل ما تتشاهم.
23- لو ابوك قالك انزل وصل اختك او انزل هاتلى حاجة اعمل نفسك ميت.
24- القيادة فوق 100 كم/ساعة اسراف و تبذير ربنا حيحاسبك عليه.
25- متشغلش ام التكييف نهائياً .
26- اللى معاه عربية دلوقتى يستحق اى حسنة..عامله كانه فقير.
27- المشوار اللى اكتر من 20 دقيقة قيادة متروحش بالعربية.
28- لو ساكن بعيد عن شغلك يا تسيب شغلك يا تعزل اوفرلك صدقنى.
29- اى حاجة بتزود فى حرق البنزين صلحها من دلوقتى احسنلك.
30- الغى التكييف من العربية احسن.
31- اتعلم تسوق موتوسيكل او عجلة حتحتاجهم قريب.
32- لو عربيتك قديمة شوية استعمل بنزين 80
33- ادعى ربنا فى صلاتك ان السكة متكونش واقفة و انت بالعربية.
34- حاول تصاحب سواق ميكروباص و انسى ستايلك دلوقتى.
35- متشغلش التكييف عشان خاطر اولادك.
36- الاحتياطى فى التانك اهم من رصيد فى البنك.
37- تسخين العربية ميزدش عن 30 ثانية كحد اقصى.
38- بدل ما تروح لواحد صاحبك بعلبة شيكولاتة خدلك جركن بنزين احسن.
39- متفولش العربية عشان العداد حيغريك انك تمشى اكتر حط 10 لتر بس.
40- شوفت انا قولت كام مره متشغلش التكييف .. عشان هيتخرب بيتك والله
الكلمات المتعلقة
