أديب يدعو المصريين للتبرع لأعمال الخير ويتحدث عن الأعمال الخيرية لمجدي يعقوب

كتبت – أماني موسى
استنكر الإعلامي عمرو أديب، سخرية بعض رواد السوشيال ميديا من حملة التبرعات للمحتاجين سواء مرضى أو فقراء، والتعويل على أن حل هذه المشكلات هي مسؤولية الدولة.

متساءلاً: أنت ليه بتمنع أن بنت واقفة مستنية دورها تعمل عملية في أبو الريش أنها تخف وتبقى كويسة، ليه تمنع أن ست توصل لها مياه نضيفة وكويسة، ليه بتمنع أن الست فغي السجن تخرج؟ ليه بتمنعوا الخير ودة بتاع ربنا مش بتاع الدولة، أنت بتدي حق ربنا في الزكاة".

وأضاف أديب في برنامجه كل يوم على فضائية أون تي في، "حكومتنا بتعرج، لكن الرجل التانية شغالة وكويسة، ليه تمشوا ورا الخرفان؟ دول خرفان بتوع السمع والطاعة لكن أنت ليه عايز تبقى خروف؟ أنت عقلك في راسك.

وأستطرد، لو كلنا فكرنا كدة، عمرنا ما كنا هنلاقي مستشفى 57357، وكذلك مؤسسة مجدي يعقوب لعلاج مرضى القلب، قائلاً: بتقولوا طيب دول حرامية، لكن هل مجدي يعقوب كمان حرامي ولا نصاب ولا ناقص فلوسك؟ روحوا شوفوا عامل إيه في أسوان؟
مشددًا، معظم المستشفيات الكبرى في أمريكا قائمة على العمل الاجتماعي.