أديب ساخرًا: اهربوا يا مصريين الجيش القطري هيحتلنا بس محمد بيه بتاع قسم الهرم هيقوم بالواجب

كتبت – أماني موسى
سخر الإعلامي عمرو أديب، من قطر بعدما قال أحدهم، أن تميم لو حب يغزو مصر ويحتلها هيحتلها في نص ساعة، قائلاً: أنا أول ما سمعت كدة قلقت جدًا، خاصة أن جيش دولة قطر معروف، والجندي القطري له صولات وجولات لا يمكن لأحد أن ينساها.

الجيش القطري قوامه لا يتخطى 12 ألف جندي
أضاف أديب ساخرًا، قوام الجيش القطري لا يتخطى 12 ألف جندي، أي لا مقارنة بينهم وبين قوام الجيش المصري، متابعًا: إذ اترعبت، دة يوم ما جه الاحتلال الإنجليزي 1882 لاحتلال الإسكندرية قعد 7 أو 8 أيام، لكن قطر ما شاء الله هتحتل مصر في نص ساعة.

وأستعرض أديب فيديو لقوات الصاعقة القطرية، قائلا: تشوفه يجيلك تبول لا إرادي، وأخذ يصفق بيديه أثناء عرض الفيديو الذي بدا لفرقة كشافة وليس لجيش دولة نظامي.

متساءلاً: عندهم 90 دبابة، دول اللي بينزلوا يحوطوا ميدان التحرير لما يكون في قلق.

وتابع:" هى دى الصاعقة القطرية..محمد بيه بتاع قسم الهرم كفيل أنه يتعامل مع الجيش القطرى ومش هنكون فى حاجة لتدخل الجيش المصرى".

أديب للقطريين: إيه الغازات دي كتير كدة يا جماعة؟
وتابع أديب ساخرًا موجهًا حديثه للقطريين، إيه الغازات دي؟ كتير كدة يا جماعة، عارف أنه رمضان وأكل اللحمة بيجيب غازات لكن كدة كتير والله يا جماعة.. اعقلوا كدة وربنا يكرمكوا، دة أنتوا كلكوا كنتوا عايشين في قرية الدوحة بخمس لفات.

متساءلاً: إيه جنان الحرب والسيطرة والتدمير اللي أكل دماغكم؟ ليه متصورين أن كل الدول والرؤساء هيسكتوا على الإرهاب ودعم القتل والشتيمة والسب
دة؟ ليه يعني ماسكين لنا فيديو؟

أديب: يا مصريين أهربوا لأن الصاعقة القطرية قررت احتلال مصر في نص ساعة
وواصل أديب تهكمه قائلا: "يا مصريين أهربوا قبل ما يجى الجيش العرمرم بتاع قطر ويحتلنا.. ومش هرد على الكلام ده غير بكلمة وحدة مقدرش أقولها على الهواء.

وأكد أديب أن "تميم" يعمل لصالح إيران الآن ضد دول الخليج، كما تآمر في السابق على الدول العربية لصالح دول أجنبية.

أديب: إحنا مبنتهددش ومصر لا تموت وهتدفع التمن غالي
وأستطرد أديب، |مصر ليست دولة معتدية، وعندنا رئيس عنده مبادئ|، مشددًا على أنه إحنا ما بنتهددش، ومصر لا تموت، وأنت هتدفع الثمن غالي، واللي أنتم بتعملوه هتدفعوا ثمنه غاليًا، في إشارة لأمير قطر.

واختتم بقوله: "ربنا يحمي مصر ويكفينا شر جيش تميم".