شعر /حنا عادل النجار
مزحوم ياقطر الغلابه
فيك الي سنانه من دهب
وفيك الي سنانه سنان ديابه
وفيك الي حقوقه متسابه
فيك الحب عباره عن رسايل
ع الرغم ان الي بيني وبينها
كرسي اعرج وماايل
والحرامي فيك بيعمل جمايل
مزحوم ياقطر الغلابه
فيك الي بيجري ع جامعته
وفيك الي الحزن رسم دمعته
ع بنته وضي عنيه وشمعته
علي الي بيتقلب يومه عيد لو كلمته
اشوفك من بعيد احسك دواء الغلبان
ادخلك من جوة اطلع منك متهان
مزحوم ياقطر الغلابه
لا راضي تدفني
ولا راضي تكتبلي شهاده ميلاد
ولا عايزني اعيش متهني وسط الولاد
عمري مشوفت فيك نظره امل
ولا تفاهم
مخدتش منك غير الحزن والتشاؤم
باخد شنطتي واجري استناك
قبل معادك بساعه
اتهان واتشتم
وبرضي مطلوب مني الطاعه
مزحوم ياقطر الغلابه
فيك الشاب وفيك العجوز
وفيك الي روحه متعلقه ع علبه جلكوز
فيك الي رسمت ضحكته من براه
مع ان الزهايمر مالكه من جواه
لا فيه ولا مرض
بس ياس منك علشان مالوش سند
فيك الي الفلوس اكسجينه
ويدوس ع الفقير
ونسي ربه ودينه
وفيك الي واخد الطيبه شعااار
وفيك الي معندوش كرامه
وواخدها كماليات زيها زي الطماطم ويا الخياار
مزحوم ياقطر الغلابه
