الراسل: محمد عبد الرازق‏
قبل القومة يا بلدياتي
بيانات كانت كالآتي
كنت تايه في الشوارع
... والقهاوي أسهر ليلاتي
كنت أتمنى أشم كفتة
أو كباب من عند حاتي
كنت أتمنى ساعة حلوة
من عند مجدي الساعاتي
كل ثانية تدق فيها
فيها صرخة وصوت يهاتي
عايزة تدق شرار ونار
علشان تتغير حياتي
وكل عقرب في الساعات
انفجر لملم شتاتي
وأنا فرحان عشان القومة
حصلت قبل يوم مماتي
يسلموا كل اللي قاموا
قومة نضيفة
قومة عفيفة
قومة شريفة يا بلدياتي