جثة إرهابي

جورج ميخائيل عازر
علي نفقة الدوله وصلت الجثه المطار

جايه من أمريكا.....صدقوني.....قمة العار

بكره يكون قبره.....للناس.....مقام ومزار

أنا في ذهول.....ف العب.....بيلعب فار

ياتري يا بلدي.....بجد.....مش بهزار

عايزه تقضي ع الإرهاب وأفكار الدمار؟

تصرفاتك بتقول غير كده.....أنا محتار

أكيد بتلعبي معانا لعبة القط والفار

فين أيام زمان لما كانت مصر فنار

والناس كانت عارفه معني الجنه والنار

والدوله ليها هيبه.....العدل فيها أنهار

بين الخير والشر أعلي وأكبر جدار

يا خساره راح كل ده والجدار إنهار

يارب إجعل ليل مصر ضياء ونهار