إسلام بحيري يعلق على جريمة الإسكندرية: "أنا حزين للي وصلت إليه الأمور"

كتب - نعيم يوسف
علق الباحث إسلام بحيري، على جريمة قتل مواطن مسيحي في الإسكندرية على يد أحد المتطرفين، بحجة أنه بائع للخمور، وقال: "مفيش جديد ومفيش تحرك ومفيش تغيير ومفيش حاجة".

وقال بحيري في تدوينه عبر حسابه على موقع التواصل الاجتماعي: "في شخص مهم جدا كمرجع يعني عند أي عيل التزم وربى دقنه.. الشخص ده عندهم بيسموه " العلامة " أحمد شاكر وده مات سنة 1958.. الأخ بقى ده عنده كتيب مطبوع مهم عندهم اسمه.. "الكلمة الفصل في قتل مدمني الخمر" وده يعني بيلخص الطريق على الواد الملتزم بدل ما يتعب نفسه ويقرا المذاهب الأربعة وكتب الحديث".

وتابع: "فالواد بيقرا عن أدلة قتل مدمن وبائع الخمر بدون الرجوع للحاكم من المذاهب الأربعة.. ركز........ بدون الرجوع للحاكم فما بالك وهو كمان في نظرهم مسيحي "كافر""، مضيفا: "أنا حزين للي وصلت إليه الأمور هتفضل الناس تتقتل فرادى وجماعات وهيفضل كهنة المعبد يخادعون الله والدولة والناس وينكروا ويستنكروا ويصدروا بيانات إدانة وهتفضل الكتب دي تشكل الوعي والتدين ويتسجن اللي يقولهم منين منبع أنهار الدم مفيش جديد ومفيش تحرك ومفيش تغيير ومفيش حاجة".