مجرد تأمل ..... عن الواد أبو حزام

أمير رمزي
بعد ما فجر نفسه والزمن وقف على الساعة عشرة إلا 3 دقائق لقى نفسه طالع لفوق. فوق قوى . فوق السحاب فى مشهد جميل قوى وملاك نور ابيض فى ابيض واقف على بوابة كبيرة و ماسك سيف من نار . ايه العظمة دى وايه الجمال دا والمكان من روعته مايتوصفش و بنات وستات مافيش أجمل منهم اكتر من عشرين واحدة كلهم أجمل من بعض وبينهم 3 رجالة زى الورد لابسين ابيض ناصع . أبو حزام ما اهتمش يعرف مين دول . ماهو قال لنفسه اكيد دول الحور العين بتوعى . واللى معاهم دول ملايكة جايين يوصلونى ويدخلونى ويخدمونى ولسة بقية ال 70 حورية جوة . فى الجنة مستنيين ومشتاقين . الله أكبر صدقت يا أمير الجماعة . صدقت يا أمير المؤمنين. طلبتها ونلتها يا ابو الحزازيم . ياريت كنت فجرت نفسى من زمان . ياريت كان الواحد له اكتر من حياة كان عاش فى كل مرة بس عشان يبقى انتحارى . ياريت اخوانى كلهم ييجوا يشوفوا العز اللى انا داخل عليه.

الجنة أحلى كتير من اللى كنا بنسمعه عنها كل دا وانا لسة ع الباب اومال لما ادخل هيكون شكلها ايه جوة أهو الباب اتفتح والملاك بيبتسم والحور كلهم بيبصوا لبعض فرحانين.. كل دا عشانى ؟! انا ماكنتش عارف انى عظيم ومكانتى هتبقى حلوة كدة . الله أكبر .. أهو جه دورى وهادخل دلوقتى. 
 

سلامو عليكم.....

ايه دا . ايه اللى بيحصل . انت قفلت الباب ليه ياعم الحاج ومال وشك قلب ليه كدة بيفكرنى بوكيل النيابة اللى استقبلنى فى 2014 . انتوا عندكم زحمة جوة ولا ايه ولا كل واحد بيدخل بميعاد. النظام حلو برده. ولا محضرنلى مفاجأة وهاتطفوا النور الأول وبعدين تفتحوا وادخل بقى.. وتبدأ حفلة الاستقبال وتغنولى ..

+ لا انت مش داخل .
 

- بتقول ايه؟ نعم؟!! ماسمعتش !!!
 

مش داخل ؟؟! أبو حزام مش داخل ؟! أومال مين اللى يدخل . امى ؟  ولا الكفار اللى انا لسة مفجرهم؟؟ ولما انا مش داخل مين اللى وصلنى لحد باب الجنة وخلانى اشوف ملايكة وحور العين ومناظر تخلى الواحد يندم انه ماجاش من زمان ؟ هو انتو عندكو زينا الكاميرا الخفية؟!!! . والحور !! اللى سبقونى ودخلوا دول ايه ؟ تمثيلية ؟؟! واللى لسة مستنيينى جوة على نار ! انا اول حاجة هاطلبها من الله عز وجل انه يدينى إذن اصفيك عشان تعرف ازاى تتعامل مع مجاهد بطل زيي. أبو حزام خلص كلامه مع الملاك . ولقى سيف النار اترفع فى وشه . 
 

 + ربنا أمر انك تيجى تبص على فردوس النعيم من برة وتشوف جماله عشان تعيش أبديتك كلها متحصر على المنظر اللى انت حرمت نفسك منه بعندك وإصرارك على التمسك بالجهالات اللى فضلت عايش فيها .
 

 - يعنى ايه؟ يعنى انا كنت على باطل؟! والجماعة كلها كانت على باطل؟! والأمير ؟ وكل اللى كانوا بيقولوه..!! لا انا كدة اضحك عليا وهاروح بلاش. لأ.لأ . وأنا ذنبى ايه . انا ضحية ولازم تعذرنى . "ماكنتش اعرف" . انا لو مادخلتش، دا يبقى ظلم!!! وربنا عمره مايبقى ظالم .

+ انت بلا عذر أيها الانسان. كان عندك الكتب والأنبياء وياما اتقالك "فتشوا الكتب لأن لكم فيها حياة أبدية " وانت ماكنتش بتحب تقرأ ولا تسمع ولا تصدق غير بس اللى يشبع رغباتك وأهواءك الدنيئة.. أبو حزام بدأ يتوتر ويرتبك ويخاف 
 

- اومال البنات والستات الجميلة اللى شفتهم دول مين؟ والرجالة اللى لابسة ابيض دول مين ؟

+ دول الشهدا القديسين الأبرار الاطهار اللى انت فجرت فيهم حزامك النجس 
 

- بس انا كنت فاكر باقدم خدمة لله 
 

+ انت مافكرتش غير فى نفسك وشهواتك 
 

- طب ممكن ادخل أطل طلة صغيرة قبل مااسيب المكان الجميل دا
 

+ رغم انك لو دخلت بصيت . دا هايزود عذابك ويحصرك  اكتر وانت تستحق كل عذ

اب إلا أن المكان دا للأطهار بس. ماينفعش تخطيه برجليك ولا تشوفه بعينيك .. مكانك مش هنا.. ومن اللحظة دى . . بيننا وبينك هوة عظيمة .. وفجأة سقط أبو حزام كما يسقط أحد الشهب من السماء إلى الأرض ولكنها لم تكن الأرض بل الجحيم . تلقاه أحدهم وكان قبيح الصورة مخيف ومرعب . فى هذه اللحظة تيقن أبو حزام انه هلك وان هذا هو الشيطان الرجيم الذى طالما أستعاذ منه. حاول ان يتذلل ويتوسل إليه أن لا يؤذيه . ولكنه فوجئ بالشيطان ينهال عليه ضربا مبرحا. 
 

 - ليه كدة ياسيدى وتاج راسى دا انا تبعكم وجاى برجلى ابوس ايدك ارحمنى وفهمنى بالعقل ايه لزمة الضرب . وأنا بقيت منكم . دا انت المفروض تستقبلنى بالفرح
 

 ¥ جاى دلوقتى تشغل عقلك عليا . كان فين عقلك لما اتنيلت وهببت المصيبة دى ونكدت علينا كلنا واذتنا أكبر أذية . ياويلك من اللى هاتشوفه

 - نكدت عليكم .!! حتى انتم بتكرهونى !! ايه الكابوس اللى كله ألغاز دا . طب قوللى. فهمنى عشان اعرف بانضرب ليه

¥ انا هقولك عشان تخرس وماسمعش صوتك تانى 

انت عارف بعملتك السودا دى كام نفس فلتت من أيدينا . 
 

- عرفت وشفتهم وهما داخلين الجنة . مش كتير قوى عشان اتضرب الضرب دا كله . 

اغتاظ الشيطان وانهال مرة أخرى بالضرب المبرح على أبو حزام
 

مش هم دول اللى انا اقصدهم دول احنا كنا اصلا فاقدين فيهم الأمل بقالنا  سنين تعبنا معاهم كتير وفشلنا بس كان عندنا أمل فى باقى شعب الكنيسة وانت بعملتك الهباب هديت كل اللى كنا بنبنيه. خلتهم يتوبوا ويرجع للطريق ويتمسكوا بالايمان اكتر . حتى اللى برة الكنيسة زادوا عند . وبقوا يتمنوا لنفسهم نفس الموتة . مابقوش يخافوا . مابقاش على لسانهم غير الآيات والوعود بالامجاد السماوية اللى مستنية الشهدا . بعد ما كنا بنخوفهم بالاضطهادات والعذابات والموت . دلوقتى بيقولوا " لى إشتهاء أن انطلق واكون مع المسيح ذاك أفضل جدا" 
 

وكله بسببك وبسبب امثالك من الأغبياء عاوزنى استقبلك ازاى . ياللا غور قدامى وبدأ الضرب من جديد 

-على فين 
 

¥  إلى حيث البكاء وصرير الأسنان إلى الجحيم ومنها إلى جهنم النار الأبدية المكان اللى مش هاتسمع ولا هاتقول فيه غير كلمة "ياريتنى" هاتتمنى حد يبل طرف صباعه بنقطة مية يبرد بيها لسانك وانت بتصرخ "ياريتنى ..حد يسكتنى"سلامي ل