رسالة أم ... من كنيسة البطرسية
د. مجدي شحاته
٥٤:
٠٥
م +02:00 EET
الأحد ١٨ ديسمبر ٢٠١٦
زجل : د. مجدى شحاته
النفس متهلله والقلب فرحان رايحه كنيستى بالحب والايمان ابنى وبنتى فى ايديا وقرايب وحبايب مع الخلان
قدام الهيكل ركعت ... صليت لأهلى وحبايبي ما فى حد خليت من عمق ايمانى بالعمر ضحيت وصليبي شيلاه بكل بيان
صلوات و تسابيح مع تراتيل مزامير والحان وقراية م الانجيل والدف والشمامسة و بالتهليل تقول ألحان تهز النفس والوجدان
الرب يسوع بيحدد مواعيده عاوزنيأروحله قبل يوم عيده وشعرت ان ايدايا متبته فى ايده جذبنى اليه لاشوفه بكل عيان
عدو الخير جبار خطير شرير طب ... وأعطى الامر بالتفجير منظر رهيب وفظيع أمر خطير وكأنه ميت زلزال مع بركان
مقسوم لولادى يوم عيدهم أسيب ايديا من ايدهممكتوب اليوم ده أفارقهم وأطلع ليسوعالطيبالحنان
شايفه قدامى طريق من نور ملايكه و شموع و رفع بخور القلب فرحان سعيد مسرور سامعه ترانيم حلوه مع ألحان
قدامى باب السما مفتوح النفس فرحانه والقلب مش مجروح تركت الجسد أنا مجرد روح محلى الوجود مع سيد الاكوان
صرخ مينا:ماما انزلى عودى دموعى بقت دم على خدودى قلتله : وجودى فى صعودى افرح يا ابنى وبلاش أحزان
طلبت من ام النور تقوينى فى حضنك الدافى خدينى ضمينىطول عمرى بأجيلك و تهدينى خبينى فى صدرك الحنان
البطرسيةحياتى نبضى و فؤادى سيباها أمانةلاحفادو ولادى والرب يبعد كل ألاعادى ويحمى مصر درة الاوطان
